Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, anexo XII do Regulamento (UE) nº 1303/2013 do Parlamento Europeo e do Consello, do 17 de decembro de 2013, dáse publicidade á actuación contratada, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a seguir se indica por razón do seu cofinanciamento pola Unión Europea:

1. Expediente de contratación.

Contratación da elaboración do proxecto e execución da obra da UCI do Hospital Clínico Universitario de Santiago de Compostela (núm. de expediente AB-SER3-21-017).

1. Entidade adxudicadora: datos xerais e datos para a obtención da información:

a) Organismo: Servizo Galego de Saúde.

b) Número de identificación: Q6550006H.

c) Dependencia que tramita o expediente: Dirección Xeral de Recursos Económicos, por delegación polo Decreto 137/2019, do 10 de outubro, polo que se establece a estrutura orgánica do Servizo Galego de Saúde (DOG núm. 208, do 31 de outubro) e a Orde do 22 de abril de 2020 sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde (DOG núm. 82, do 29 de abril).

d) Obtención de documentación e información:

i. Dependencia: Dirección Xeral de Recursos Económicos. Subdirección Xeral de Investimentos.

ii. Enderezo: Edificio Administrativo San Lázaro, s/n.

iii. Localidade e código postal: 15781 Santiago de Compostela.

iv. Teléfonos: 881 54 74 38.

v. Telefax: 881 54 27 62.

vi. Correo electrónico: servizo.xestion@sergas.es

vii. Enderezo da internet do perfil do contratante: https://www.sergas.gal e https://www.contratosdegalicia.gal

2. Tipo de poder adxudicador e principal actividade exercida:

a) Tipo de poder adxudicador: organismo de dereito público.

b) Principal actividade exercida: saúde.

3. Obxecto do contrato:

a) Tipo: mixto.

b) Descrición do obxecto: redacción do proxecto básico e de execución, dirección facultativa e execución da obra de reforma interior da UCI da planta -1, edificio A, do Hospital Clínico Universitario de Santiago de Compostela, incluído o control de calidade da citada obra.

c) División por lotes e número: non procede.

d) Lugar de execución: rúa da Choupana, s/n, 15706 Santiago de Compostela.

e) Prazo de execución: redacción de proxecto un (1) mes; obra máximo tres (3) meses; dirección facultativa igual á obra coas peculiaridades prevista no artigo 29.7 da LCSP.

f) Admisión de prórroga: non.

g) CPV (referencia de nomenclatura): 71221000-3 servizos de arquitectura para edificios; 45215142-4 traballos de construción de unidades de coidados intensivos; 71247000-1 supervisión do traballo de construción.

h) Número do expediente: AB-SER3-21-017.

4. Tramitación e procedemento:

a) Tramitación: ordinaria.

b) Procedemento: aberto e non suxeito a regulación harmonizada.

c) Licitación electrónica: si.

d) Criterios de adxudicación: memoria descritiva da proposta ata 40 puntos, coordinación na execución dos traballos ata 10 puntos, oferta económica ata 40 puntos, redución do prazo de execución ata 5 puntos e incremento do prazo de garantía ata 5 puntos . Véxase o punto 12 da folla de especificacións do prego de cláusulas administrativas particulares (en diante, PCAP).

5. Valor estimado do contrato: 1.039.707,97 €.

6. Orzamento base de licitación:

a) Importe neto: 1.039.707,97 €. IVA (%) 21 %. Importe total: 1.258.046,64 €.

7. Formalización do contrato:

a) Data de adxudicación: 16 de xullo de 2021.

b) Número de ofertas recibidas: 4.

c) Data de formalización do contrato: 3 de agosto de 2021.

d) Adxudicatario:

i. Nome: Seranco, S.A.

ii. NIF: A791***40.

iii. Enderezo: Paseo de Ronda.

iv. Localidade e código postal: A Coruña 15011.

v. Teléfono 8811***45.

vi. Enderezo electrónico: contratacion@seranco.es

vii. É peme (segundo a normativa europea): si.

viii. Pertence a un grupo de empresas: non.

e) Importe de adxudicación. Importe neto 912.800,00 €. IVE (%) 21 %. Importe total 1.104.488,00 €.

f) Posibilidade de subcontratar a terceiros: non.

g) Vantaxes da oferta adxudicataria: a oferta do adxudicatario foi seleccionada como a máis vantaxosa, mediante a aplicación dos criterios que figuran no prego de cláusulas administrativas particulares. A resolución de adxudicación atópase publicada no perfil do contratante.

8. Outra información:

– Publicidade do anuncio de licitación no perfil de contratante: 10 de xuño de 2021.

– Publicidade da adxudicación no perfil de contratante: 27 de xullo de 2021.

– Publicidade do anuncio de formalización do contrato no perfil de contratante: 9 de agosto de 2021.

2. Financiamento.

Todas estas actuacións financiaranse ao 100 % do gasto elixible no marco do instrumento de axuda á recuperación para a cohesión e os territorios de España (REACT-EU), no marco do programa operativo Feder Galicia 2014-2020.

A actuación enmárcase dentro do programa operativo no eixe prioritario 20, Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía; prioridade de investimento 13.i, Favorecer a reparación da crise no contexto da pandemia da COVID-19 e as súas consecuencias sociais e preparar unha recuperación verde, dixital e resiliente da economía; obxectivo específico 20.1.5 REACT-UE 5 «Apoiar investimentos en infraestruturas que presten servizos básicos aos cidadáns».

A axuda á recuperación para a cohesión e os territorios de Europa (REACT-UE) é unha iniciativa que prosegue e amplía as medidas de resposta á crise e de reparación da crise proposta na Iniciativa de investimento en resposta ao coronavirus (IIRC) e na Iniciativa de investimento en resposta ao coronavirus plus (IIRC+).

O REACT-UE inclúe fondos adicionais que se porán á disposición do Feder, entre outros fondos europeos, operando así como fondos estruturais, e procederán do fondo de recuperación NextGenerationEU, instrumento financeiro excepcional de recuperación temporal.

Os recursos REACT-UE prestarán asistencia para favorecer a reparación da crise no contexto da pandemia da COVID-19 e as súas consecuencias sociais e para preparar unha recuperación verde, dixital e resiliente da economía.

3. Información.

3.1. Servizo do cal se pode obter información: Subdirección Xeral de Investimentos. Servizo de Xestión. Dirección electrónica: servizo.xestion@sergas.es

3.2. Datos e referencias de publicacións anteriores no Diario Oficial de la Unión Europea relevantes para o contrato: non procede.

Santiago de Compostela, 13 de xullo de 2022

O presidente do Servizo Galego de Saúde
P.D. (Decreto 137/2019 e Orde 22.4.2020)
María Jesús Piñeiro Bello
Directora xeral de Recursos Económicos