O Pleno da Corporación, na sesión ordinaria celebrada o día 25 de maio de 2022, adoptou entre outros, o acordo que a seguir se transcribe:

1. Aprobar definitivamente o estudo de detalle para o axuste das aliñacións na rúa do Porto, na fronte das parcelas de números de policía 52, 54, 56 e 58 do Vicedo, formulado por Dolores Piñeiro Infante e outros.

2. Publicar o acordo de aprobación definitiva no Diario Oficial de Galicia, e o texto dos documentos que o integran, así como o índice de planos do estudo de detalle no Boletín Oficial da provincia de Lugo.

3. Notificar este acordo aos propietarios e demais interesados directamente afectados polo estudo de detalle.

4. Comunicar á consellería competente en materia de urbanismo a aprobación do estudo de detalle, proporcionándolle un exemplar en soporte dixital, debidamente dilixenciado, co fin de ser inscrito no Rexistro do Plan Urbanístico de Galicia.

5. Facultar ao alcalde e presidente para a sinatura dos documentos que sexan necesarios ao respecto.

O Vicedo, 27 de maio de 2022

José Jesús Novo Martínez
Alcalde