O Pleno municipal de Bergondo, na súa sesión ordinaria do 26 de maio de 2022, acordou aprobar inicialmente a modificación puntual novena das normas subsidiarias de Bergondo, delimitación dun polígono de solo urbano non consolidado en San Cidre, redactado pola arquitecta María Ríos Carballeira, o que se fai publico para xeral coñecemento.

Tanto o instrumento de planeamento coma o expediente sométense a información pública durante o prazo de dous meses, mediante anuncio no Diario Oficial de Galicia e nun dos diarios de maior difusión da provincia, de conformidade do previsto no artigo 60.6 da Lei 2/2016, do solo de Galicia.

Durante o devandito prazo, contado a partir do día seguinte ao da publicación deste anuncio no Diario Oficial de Galicia, poderán formularse as alegacións que se consideren pertinentes.

O expediente poderá ser consultado mediante ligazón no taboleiro de anuncios da sede electrónica municipal (https://sede.bergondo.gal/opencms/gl/informacion/), na páxina web municipal (http://bergondo.gal/) ou nas oficinas do Departamento de Urbanismo e Medio Ambiente, de luns a venres, das 9.00 ás 14.00 horas, con cita previa.

Coa aprobación inicial da presente modificación puntual, suspéndese polo prazo de dous anos a tramitación das licenzas de parcelación, edificación e demolición da área afectada que comprenden as seguintes parcelas catastrais:

2270925NH6926N0001ES, 2270924NH6926N0001JS, 2270931NH6926N0001US,

2270932NH6926N0001HS, 2270960NH6926N0001ES, 2270959NH6926N0001ZS,

2270922NH6926N0001XS, 2270921NH6926N0001DS e 2270920NH6926N0001RS.

Bergondo, 9 de xuño de 2022

Alejandra Pérez Máquez
Alcaldesa