Vistos os expedientes instruídos para os efectos de transmisión das bateas Pasfe I e Miguélez I e das concesións administrativas que as amparan, resulta:
a) Antecedentes de feito:
Mediante escrito do 6 de maio de 2022, Cándido Rosendo Calvar solicitou autorización para a transmisión das concesións administrativas e das bateas Pasfe I e Miguélez I.
b) Consideracións legais e técnicas:
Primeira. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 21 de febreiro de 2022, de delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.
Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento de viveiros de cultivos mariños en augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Alberto Rosendo Calvar (***0647**) e María del Carmen Barreiro Priego (***0540**), das concesións administrativas e das bateas que se indican a seguir:
Identificación:
Tipo: batea.
Nome: Pasfe I.
Situación:
Cuadrícula nº: 26.
Polígono: G.
Distrito: Cangas (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 21.3.1960.
Remate da vixencia: 15.12.2029.
Actual titular: Cándido Rosendo Calvar (***9015**).
Novos titulares: Alberto Rosendo Calvar (***0647**) e María del Carmen Barreiro Priego (***0540**).
Tipo: batea.
Nome: Miguélez I.
Situación:
Cuadrícula nº: 12.
Polígono: A.
Distrito: Vigo (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 21.3.1960.
Remate da vixencia: 15.12.2029.
Actual titular: Cándido Rosendo Calvar (***9015**).
Novos titulares: Alberto Rosendo Calvar (***0647**) e María del Carmen Barreiro Priego (***0540**).
Baixo as seguintes condicións:
Primeira. O actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da Consellería.
Terceira. O novo titular da concesión queda subrogado nos dereitos e obrigas dos anteriores, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 19 de maio de 2022
A conselleira do Mar
P.D. (Orde do 21.2.2022)
Sonia Lorenzo Santos
Xefa territorial de Vigo
