Mediante a Orde do 17 de decembro de 2021, da Consellería de Emprego e Igualdade (DOG núm. 13, do 20 de xaneiro de 2022), establecéronse as bases reguladoras do certame Cooperativismo no ensino, dirixido ao alumnado dos centros educativos de Galicia, e procedeuse á súa convocatoria para o ano 2022.
Nas bases reguladoras establécese que os traballos participantes neste concurso serán avaliados por un tribunal e que a persoa titular da Dirección Xeral de Emprego, Traballo Autónomo e Economía Social resolverá a concesión dos premios, que serán obxecto de publicación no Diario Oficial de Galicia.
Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 19 e 20 de maio de 2022, mediante a Resolución da Dirección Xeral de Emprego, Traballo Autónomo e Economía Social, do 20 de maio de 2022, aprobouse a concesión dos premios.
Por todo o anterior,
DISPOÑO:
Facer pública a concesión dos premios do certame Cooperativismo no ensino 2022 dirixido ao alumnado dos centros educativos de Galicia que se relacionan no anexo que se xunta a esta resolución.
Santiago de Compostela, 24 de maio de 2022
Covadonga Toca Carús
Directora xeral de Emprego, Traballo Autónomo
e Economía Social
ANEXO
Certame Cooperativismo no ensino 2022
• Modalidade de actividades artísticas, dirixida ao alumnado dos centros de educación infantil, primaria e educación especial por categorías:
– Categoría A: alumnado de 2º ciclo de educación infantil.
Premio ao mellor traballo: Todxs somos especiais. Cooperación espacial do CEIP Plurilingüe Domaio.
Accésit: Escultura narrativa do CEIP Plurilingüe de Abanqueiro.
– Categoría B: alumnado de 1º e 2º de educación primaria.
Premio ao mellor traballo: S.O.S. ao planeta, cooperamos por un mundo máis sostible!!! do CEIP Plurilingüe Domaio.
Accésit: Animalízate! Amor con patas: Museo dos Animais do CEIP de Laredo.
– Categoría C: alumnado de 3º e 4º de educación primaria.
Premio ao mellor traballo: Cooperativa 3D do CEIP San Miguel de Reinante Barreiros.
Accésit: Mulleres estrela, creando referentes do CEIP Plurilingüe Domaio.
– Categoría D: alumnado de 5º e 6º de educación primaria.
Premio ao mellor traballo: Tecendo a cooperativa do CEIP San Miguel de Reinante Barreiros.
Accésit: Na nosa orixe cooperamos para evolucionar do CEIP Plurilingüe Domaio.
• Modalidade de actividades cooperativizadas, dirixida ao alumnado dos centros de educación secundaria obrigatoria e educación especial:
Premio ao mellor traballo: Cooperativa Escolar O Mistral: Iniciativa «Para unha vida sen límites» do Centro de educación especial Aceesca.
Accésit: Lugh: Sociedade Cooperativa Galega Xuvenil do Sobreiral de Valadares do IES Valadares.
• Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial.
Premio ao mellor proxecto empresarial cooperativo: Sentidiño, S. Coop. Xuvenil Galega presentado polo alumnado do CIFP Imaxe e Son.
Accésit ao proxecto empresarial finalista: Contorno Accesible presentado polo alumnado do IES Marco do Camballón.
