O artigo 4 do Decreto 67/2007, do 22 de marzo, polo que se regula o Catálogo galego de árbores senlleiras, establece o procedemento de catalogación e descatalogación de exemplares e formacións.
As seguintes solicitudes de inclusión dunha formación e dunha árbore no Catálogo galego de árbores senlleiras foron realizadas polas persoas interesadas de acordo a ese procedemento:
Rexistro de entrada: 2022/1076127.
Data: 22.4.2022.
Solicitante: Concello de Zas.
Especie: Quercus robur L. (formación).
Localidade: Zas.
Concello: Zas.
Provincia: A Coruña.
Rexistro de entrada: 2022/1274573.
Data: 12.5.2022.
Solicitante: CEIP Otero Pedrayo.
Especie: Quercus robur L. (formación).
Localidade: Rábade.
Concello: Rábade.
Provincia: Lugo.
O artigo 4.4 do Decreto 67/2007, do 22 de marzo, establece que as solicitudes de catalogación ou descatalogación de exemplares e formacións, e a documentación presentada xunto con elas, someteranse ao trámite de información pública por un prazo de vinte días, para os efectos de que os interesados poidan presentar os documentos e xustificacións que consideren pertinentes.
En consecuencia, ábrese un período de información pública da solicitude de catalogación mencionada neste anuncio, e a documentación presentada xunto con ela, durante un prazo de 20 días hábiles, contados desde o día seguinte ao da publicación deste anuncio, coa finalidade de que aquelas persoas interesadas que se consideren directamente afectadas poidan remitir observacións e opinións por escrito, ou ben a través do enderezo de correo electrónico: dxpn.cmatv@xunta.gal, poñendo no asunto «Información pública árbores senlleiras».
Durante o citado prazo, a documentación correspondente poderá ser examinada nos seguintes lugares:
– Dirección Xeral de Patrimonio Natural da Consellería de Medio Ambiente, Territorio e Vivenda, San Lázaro, s/n, 15781 Santiago de Compostela.
– Xefatura Territorial da Consellería de Medio Ambiente, Territorio e Vivenda da Coruña, rúa Vicente Ferrer, 2, 15071 A Coruña.
– Xefatura Territorial da Consellería de Medio Ambiente, Territorio e Vivenda en Lugo, rolda da Muralla, 70, 27071 Lugo.
Durante ese mesmo período poderase consultar na páxina web da Consellería de Medio Ambiente, Territorio e Vivenda (https://cmatv.xunta.gal/seccion-organizacion/c/CMAOT_DX_Conservacion_Naturaleza?content=Direccion_General_Conservacion_Naturaleza/Biodiversidad/seccion.html&std=expedientes_singulares.html&sub=Arbores_singulares/) a información dos expedientes que non se corresponda con datos de carácter persoal (Lei orgánica 3/2018, do 5 de decembro, de protección de datos persoais e garantía dos dereitos dixitais).
Santiago de Compostela, 19 de maio de 2022
Belén María do Campo Piñeiro
Directora xeral de Patrimonio Natural
