Desde esta Xefatura Territorial de Ourense requíreselle a Canteras Xubín, S.L. a presentación do proxecto de peche e abandono da autorización de aproveitamento de recursos da sección A) A Farixa número 96, sita no concello de Cenlle, da provincia de Ourense.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázase a Canteras Xubín, S.L., titular da autorización de aproveitamento A Farixa número 96, para ser notificada por comparecencia, por non ter sido posible efectuar a notificación prevista na citada norma.
A interesada, ou os seus representantes, deberán comparecer no prazo de dez días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial da Vicepresidencia Segunda e Consellería de Economía, Empresa e Innovación en Ourense, na rúa Curros Enríquez, nº 1, 3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 11 de maio de 2022
Pablo Fernández Vila
Xefe territorial de Ourense