A Xunta de Goberno Local, na súa sesión telemática ordinaria do 17 de marzo de 2022, adoptou, entre outros, o acordo que a seguir se transcribe literalmente na súa parte dispositiva:
«2º. Tramitación do Plan especial de reforma interior do camiño de Fiunchedo 1 APR-PERI-3.1.
1. Aprobar inicialmente o Plan especial de reforma interior do camiño de Fiunchedo 1 APR-PERI-3.1, promovido pola comunidade de propietarios do edificio situado no número 6 e 6-B do camiño de Fiunchedo e outros propietarios, coas seguintes condicións:
1ª. O prazo para solicitar licenza de obras para a legalización da edificación existente será de 3 meses contados desde a aprobación do proxecto de compensación.
2ª. As referencias ao capítulo V contidas nos artigos 25, 26, 27, 28, 29 e 30 da normativa do PERI entenderanse substituídas pola referencia ao título V da normativa do PXOM de Sada.
3ª. O texto do número 3 do artigo 34 da normativa adaptarase ao disposto no artigo 70.7 do Regulamento da Lei do solo de Galicia.
4ª. No texto do artigo 35 engadirase a condición de que o 30 % da superficie edificable será destinada a vivendas suxeitas a algún réxime de protección pública.
2. Someter o plan aprobado inicialmente á información pública durante o prazo de dous meses, consonte o disposto no artigo 75.1.a) da Lei 2/2016, do 10 de febreiro, do solo de Galicia».
O contido íntegro do plan especial aprobado pódese consultar no taboleiro de anuncios da sede electrónica do Concello de Sada: https://sede.sada.gal/opencms/es/informacion/ co título de Aprobación inicial do Plan especial de reforma interior do camiño de Fiunchedo 1.
Sada, 25 de abril de 2022
Óscar Benito Portela Fernández
Alcalde