O Consello de Dirección do Instituto Galego de Promoción Económica, na súa xuntanza do día 21 de febreiro de 2022, acordou por unanimidade dos seus membros asistentes a aprobación das bases reguladoras do marco de apoio ao acceso ao crédito das pequenas e medianas empresas, instrumentadas mediante convenio entre o Instituto Galego de Promoción Económica (Igape), as sociedades de garantía recíproca (SGR) e as entidades de crédito adheridas (financiamento Igape-pemes). As ditas bases publícanse mediante a Resolución do 13 de abril de 2022 (DOG núm. 76, do 21 de abril).
Xunto co texto das devanditas bases publicouse a relación das entidades financeiras que se adheriron ao convenio.
Tendo en conta que por erro non se incluíu unha salvedade coa entidade Banco Santander, S.A. no anexo publicado mediante a Resolución do 13 de abril de 2022, e que, con datas do 22 e do 29 de abril de 2022, adhírense, respectivamente, as entidades financeiras Bankinter, S.A. e Caixabank, S.A., procede actualizar o contido do dito anexo.
Polo que antecede e en virtude das facultades que teño conferidas,
RESOLVO:
Primeiro. Corrixir a información sobre a adhesión da entidade financeira Banco Santander, S.A., de xeito que figure a salvedade (1) no anexo.
Segundo. Engadir as entidades financeiras Bankinter, S.A. e Caixabank, S.A. á relación de entidades financeiras adheridas ao convenio para a habilitación dun marco de apoio ao acceso ao financiamento das pequenas e medianas empresas, subscrito entre o Instituto Galego de Promoción Económica (Igape) e as sociedades de garantía recíproca domiciliadas en Galicia, asinado o 11 de abril de 2022.
Segundo. Publicar a relación completa e corrixida das sociedades de garantía recíproca e entidades de crédito adheridas, substituíndo, en consecuencia, o anexo VII, publicado coas bases reguladoras (DOG núm. 76, do 21 de abril de 2022), polo que se publica con esta resolución.
Santiago de Compostela, 5 de maio de 2022
Fernando Guldrís Iglesias
Director do Instituto Galego de Promoción Económica
ANEXO VII
Relación de sociedades de garantía recíproca e entidades de crédito adheridas
IG535A - Marco de apoio ao acceso ao crédito das pequenas e medianas empresas (financiamento Igape-pemes)
Cooperativas de crédito |
Bancos |
S.G.R. |
– Caixa Rural Galega, Sociedad Cooperativa de Crédito Limitada Gallega |
– Abanca Corporación Bancaria, S.A. – Banco Santander, S.A. (1) – Banco Bilbao Vizcaya Argentaria, S.A. – Banco de Sabadell, S.A. – Bankinter, S.A. – Caixabank, S.A. (2) |
– Afianzamientos de Galicia, Sociedad de Garantía Recíproca (Afigal, S.G.R.) – Sociedad de Garantía Recíproca de la Pequeña y Mediana Empresa de Pontevedra y Ourense (Sogarpo, S.G.R.) |
(1) Non se adhire á liña I.2 do anexo I, operacións avaladas para o financiamento de tráfico comercial (Reaval Funcionamento).
(2) Non se adhire ás liñas I.2 e I.3 do anexo I, operacións avaladas para o financiamento de tráfico comercial (Reaval Funcionamento) e garantías ante terceiros vinculadas a operacións de tráfico ou avais técnicos (Reaval Garantías).