A Xunta de Goberno Local, na sesión extraordinaria e urxente que tivo lugar o 11 de febreiro de 2022, acordou aprobar inicialmente a modificación puntual número 3 do Plan parcial do sector residencial deportivo Perbes-Vilanova (San Xoán), no concello de Miño, co obxecto de eliminar a desigualdade xerada pola obrigatoriedade de manter no ámbito do devandito plan os espazos libres (zonas verdes) e deportivos por parte dos veciños da urbanización.
De conformidade co establecido no artigo 75 da Lei 2/2016, do 16 de febreiro, do solo de Galicia, exponse o expediente á información pública polo prazo de dous meses, contados a partir do día seguinte ao da publicación do anuncio no Diario Oficial de Galicia e nun dos xornais de maior difusión na provincia, co obxecto de que se poidan formular as alegacións que se consideren procedentes.
O documento inicialmente aprobado pode consultarse na sede electrónica do Concello de Miño (https://sede.concellodemino.gal).
Miño, 7 de abril de 2022
Manuel Vázquez Faraldo
Alcalde