A aprobación da modificación da relación de postos de traballo da Consellería de Cultura, Educación e Universidade xustifícase polas razóns indicadas no punto primeiro do acordo.
En consecuencia, por proposta da Consellería de Cultura, Educación e Universidade e unha vez consultadas as organizacións sindicais presentes na Mesa de Negociación e na Comisión de Persoal, o Consello da Xunta de Galicia, na súa reunión do 8 de abril de 2022, adoptou o seguinte
ACORDO:
Primeiro. Aprobar a modificación da relación de postos de traballo da Consellería de Cultura, Educación e Universidade nos termos que se sinalan no anexo a este acordo.
Segundo. Ordenar a súa publicación no Diario Oficial de Galicia para os efectos da entrada en vigor a partir do día seguinte ao da súa publicación.
Visto o acordo adoptado polo Consello da Xunta de Galicia na súa reunión do 8 de abril de 2022, relativo á aprobación da modificación da relación de postos de traballo da Consellería de Cultura, Educación e Universidade, coa finalidade de cumprir o devandito acordo, de conformidade coa Orde da Consellería de Facenda do 8 de xaneiro de 2020, sobre delegación de competencias na Dirección Xeral da Función Pública (DOG núm. 16, do 24 de xaneiro), dispoño que se publique no Diario Oficial de Galicia como anexo a esta resolución.
Santiago de Compostela, 12 de abril de 2022
O conselleiro de Facenda e Administración Pública
P.D. (Orde do 8.1.2020)
José María Barreiro Díaz
Director xeral da Función Pública
