De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puidesen efectuar faranse por medio de anuncio no Boletín Oficial del Estado (BOE), co contido sinalado no artigo 46 da mesma lei, e a súa eficacia quedará supeditada á súa publicación no taboleiro de edictos único (TEU) do BOE.

Polo anterior e despois de tentar a notificación persoal nos domicilios que constan nos nosos arquivos, notifícaselles ás persoas traballadoras ou asimiladas, beneficiarias e solicitantes de prestacións por desemprego que se sinalan no anexo, as resolucións do procedemento sancionador, por infraccións na orde social. A seguir publícase o presente anuncio, que terá efectos a partir do día seguinte ao da súa publicación no BOE.

Sen prexuízo do anterior e en virtude do disposto no citado artigo 44 da Lei 39/2015, do 1 de outubro, do procedemento administrativo común das administracións públicas, este anuncio publícase no Diario Oficial de Galicia.

Así mesmo, faíselles saber que a resolución sancionadora esgota a vía administrativa e poderán interpor, dentro do prazo de trinta (30) días hábiles desde o día seguinte ao da publicación deste anuncio no Boletín Oficial del Estado (BOE), reclamación administrativa previa ante esta xefatura territorial, conforme o previsto no artigo 71 da Lei 36/2011, do 10 de outubro, reguladora da xurisdición social. Contra a resolución da reclamación administrativa cabe interpor recurso ante os órganos xurisdicionais da orde social, no prazo dos dous meses seguintes a partir do día seguinte ao da publicación deste anuncio no BOE.

Para o coñecemento e a constancia do texto íntegro do acto que se notifica, as persoas interesadas poderán presentarse ante a Xefatura Territorial de Lugo, situada na rolda da Muralla, nº 70, das 9.00 ás 14.00 horas, de luns a venres.

Advírtense as persoas interesadas de que, se non interpoñen o recurso no tempo e na forma, a resolución adquirirá firmeza.

Lugo, 4 de abril de 2022

Pilar Fernández López
Xefa territorial de Lugo

ANEXO

	Persoa interesada	Nº de expediente	Acto que se notifica	Concello
1	Patricia Ferreiro Rodríguez	02-11-2021/2.1.E	Resolución de procedemento sancionador	Lugo
2	Paulo Pichín Redondo	07-10-2021/2.2.B	Resolución de procedemento sancionador	Vilalba
3	Nicoleta Mihael Rapeanu	23-12-2021/2.1.D	Resolución de procedemento sancionador	Vilalba
4	Mioara Mamet	23-12-2021/2.1.D	Resolución de procedemento sancionador	Cospeito
5	Lucía Macai	22-12-2021/2.1.D	Resolución de procedemento sancionador	Guitiriz
6	María Luz Olivera Lozada	18-10-2021/2.1.E	Resolución de procedemento sancionador	Lugo