O Pleno da Corporación da Deputación Provincial da Coruña, na sesión ordinaria do 25 de marzo de 2022, adoptou o seguinte acordo:
«24. Aprobación da aceptación da delegación de competencias na Deputación Provincial da Coruña para prestar servizos de control financeiro ao Concello de Arzúa.
Primeiro. Aceptar a delegación relativa ao exercicio das funcións de control financeiro sobre as subvencións pagadas polo Concello de Arzúa.
Segundo. Aceptar a delegación da instrución e resolución dos expedientes de reintegro e sancionadores derivados dos informes de control financeiro que se emitan en virtude da delegación anterior, así como a liquidación e recadación, tanto en período voluntario coma executivo, dos ingresos de dereito público resultantes. Para este efecto, resultarán tamén de aplicación a esta delegación as bases para a prestación de servizos tributarios aos concellos da provincia.
Terceiro. Publicar o acordo, adoptado polo Pleno Provincial, no Boletín Oficial da provincia da Coruña e no Diario Oficial de Galicia para xeral coñecemento, segundo o previsto no artigo 7.2 do texto refundido da Lei reguladora das facendas locais.
Cuarto. A delegación das competencias entrará en vigor unha vez que sexa publicado o acordo definitivo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos de control financeiro aos concellos da provincia de ata 10.000 habitantes, aprobadas para o efecto por esta deputación provincial».
O que se fai público para xeral coñecemento.
A Coruña, 29 de marzo de 2022
Valentín González Formoso |
Amparo Taboada Gil |