Advertido erro no citado anuncio publicado no Diario Oficial de Galicia número 56, do 22 de marzo de 2022, cómpre efectuar a seguinte corrección:
Modificar nas bases da convocatoria, expostas no taboleiro de anuncios de Recursos Humanos do Hospital Arquitecto Marcide de Ferrol e na páxina web do Servizo Galego de Saúde (www.sergas.es), as funcións do posto convocado. Onde di: «A xornada laboral será na quenda fixa de mañá. Coordinándose co xefe de equipo da quenda», debe dicir: «A xornada laboral será na quenda rotatoria complexa».
Ampliar o prazo de presentación de solicitudes en vinte (20) días naturais, contados a partir do seguinte ao da publicación desta corrección no Diario Oficial de Galicia.
Ferrol, 24 de marzo de 2022
Ángel José Facio Villanueva
Xerente da Área Sanitaria de Ferrol