O artigo 4 do Decreto 67/2007, do 22 de marzo, polo que se regula o Catálogo galego de árbores senlleiras, modificado polo Decreto 10/2015, do 22 de xaneiro, establece o procedemento de catalogación e descatalogación de exemplares e formacións.
As seguintes solicitudes de inclusión de árbores no Catálogo galego de árbores senlleiras foron realizadas polas persoas interesadas de acordo a ese procedemento:
Rexistro de entrada: 2022/159252.
Data: 24.1.2022.
Solicitante: Concello de Nigrán.
Especie: Brachychiton populneus (Schott & Endl.) R.Br.
Localidade: A Pereira-San Pedro.
Concello: Nigrán.
Provincia: Pontevedra.
Rexistro de entrada: 2022/185835.
Data: 24.1.2022.
Solicitante: Concello de Nigrán.
Especie: Castanea sativa Mill.
Localidade: San Pedro da Ramallosa.
Concello: Nigrán.
Provincia: Pontevedra.
Rexistro de entrada: 2022/593727.
Data: 7.3.2022.
Solicitante: Quercus sonora.
Especie: Quercus robur L.
Localidade: Amoexa.
Concello: Antas de Ulla.
Provincia: Lugo.
Rexistro de entrada: 2022/594474.
Data: 7.3.2022.
Solicitante: Quercus sonora.
Especie: Quercus robur L.
Localidade: Santa Cristina.
Concello: Antas de Ulla.
Provincia: Lugo.
Rexistro de entrada: 2022/617533.
Data: 9.3.2022.
Solicitante: Concello do Rosal.
Especie: Magnolia x soulangeana Soul.-Bod.
Localidade: San Miguel de Tabagón.
Concello: O Rosal.
Provincia: Pontevedra.
O artigo 4.4 do Decreto 67/2007, do 22 de marzo, establece que as solicitudes de catalogación ou descatalogación de exemplares e formacións, e a documentación presentada xunto a elas, someteranse ao trámite de información pública por un prazo de vinte días, para os efectos de que os interesados poidan presentar os documentos e xustificacións que consideren pertinentes.
En consecuencia, ábrese un período de información pública da solicitude de catalogación mencionadas neste anuncio, e a documentación presentada xunto a ela, durante un prazo de 20 días hábiles desde o día seguinte ao da publicación deste anuncio, coa finalidade de que aquelas persoas interesadas que se consideren directamente afectadas poidan remitir observacións e opinións por escrito, ou ben a través do enderezo de correo electrónico: dxpn.cmatv@xunta.gal, poñendo no asunto «Información pública árbores senlleiras».
Durante o citado prazo, a documentación correspondente poderá ser examinada nos seguintes lugares:
– Dirección Xeral de Patrimonio Natural da Consellería de Medio Ambiente, Territorio e Vivenda, San Lázaro, s/n, 15781 Santiago de Compostela.
– Xefatura Territorial da Consellería de Medio Ambiente, Territorio e Vivenda de Pontevedra, avda. Victoria Moreno, 43-4º, 36071 Pontevedra.
– Xefatura Territorial da Consellería de Medio Ambiente, Territorio e Vivenda de Lugo, rolda da Muralla, 70, 27071 Lugo.
Durante ese mesmo período poderase consultar na páxina web da Consellería de Medio Ambiente, Territorio e Vivenda (https://cmatv.xunta.gal/seccion-organizacion/c/CMAOT_DX_Conservacion_Natureza?content=Direccion_Xeral_Conservacion_Natureza/Biodiversidade/seccion.html&std=expedientes_senlleiras.html&sub=Arbores_senlleiras/) a información dos expedientes que non se corresponda con datos de carácter persoal (Lei orgánica 3/2018, do 5 de decembro, de protección de datos persoais e garantía dos dereitos dixitais).
Santiago de Compostela, 9 de marzo de 2022
Belén María do Campo Piñeiro
Directora xeral de Patrimonio Natural
