A persoa titular do Servizo de Mobilidade de Pontevedra acordou a incoación do expediente sancionador PO-02019-O-2021 e dous máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles os acordos de incoación ditados ás persoas interesadas.

Infórmanse de que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outorgáselles un prazo de quince (15) días hábiles, contado desde o día seguinte ao da publicación deste anuncio no BOE, para alegar o que consideren conveniente, presentando ou propoñendo as probas que consideren oportunas.

No suposto que decidan voluntariamente pagar a sanción antes de que transcorran trinta (30) días, contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 21 de febreiro de 2022

José Jorge Martínez Fernández
Xefe do Servizo de Mobilidade de Pontevedra

ANEXO

Expediente Matrícula	DNI/CIF denunciado	Infracción denunciada Data-hora-estrada-p.q.	Precepto cualificador	Precepto sancionador	Sanción proposta
PO-02019-O-2021 0822-KHM	Y6513731F	A realización de transportes públicos de mercadorías, así como a contratación como transportador/a ou a facturación en nome propio de servizos de transporte, carecendo da autorización, sempre que se acredite que no momento de realizalos ou contratalos se cumprían todos os requisitos exixidos para a súa obtención e que esta se solicitou dentro dos 15 días seguintes á notificación do inicio do expediente. 28.4.2021; 10.48.00; PO-552; 6,9	Artigo 142.1 da LOTT Artigo 199.1 do ROTT	Artigo 143.1 da LOTT Artigo 201.c) do ROTT	301 euros
PO-02855-S-2021 3998-DSK	35322895R	Non levar inserida no tacógrafo a tarxeta de condutor/a ou a folla de rexistro dos tempos de condución e descanso, cando iso resulte exixible ou facelo de forma incorrecta. Ou non ter efectuado os documentos impresos ao comezar e ao finalizar a viaxe nos supostos de deterioración ou mal funcionamento da tarxeta de condutor ou no caso de que esta non conste en poder seu. 2.7.2021; 10.30.00; rúa Doutor Corbal	Artigo 140.22 da LOTT Artigo 197.24 do ROTT	Artigo 143.1 da LOTT Artigo 201.h) do ROTT	2.001 euros
PO-03054-O-2021 0402-FPD	X7581175F	Exceso de peso igual ou superior ao 15 %. 9.9.2021; 20.30.00; A-52; 281,6	Artigo 141.2 da LOTT Artigo 198.3 do ROTT	Artigo 143.1.c) da LOTT Artigo 201.f) do ROTT	801 euros