En cumprimento do establecido no artigo 48 da Lei 21/2013, do 9 de decembro, de avaliación ambiental, modificada pola Lei 9/2018, do 5 de decembro (BOE do 6 de decembro), faise público que, de acordo co establecido no artigo 60.1.b) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 9 de febreiro de 2022, o cambio de actividade de forestal a agrícola das parcelas 141, 145, 146, 167 e 172 do polígono 105, as parcelas 1, 176, 177 e 178 do polígono 98 e as parcelas 134, 431, 448 e 449 do polígono 96, no termo municipal de Palas de Rei.
O proxecto foi sometido previamente a avaliación ambiental simplificada e o informe de impacto ambiental foi formulado con data do 18 de xaneiro de 2022.
Lugo, 14 de febreiro de 2022
María Olga Iglesias Fontal
Xefa territorial de Lugo