Mediante o Acordo do 30 de novembro de 2021, da Xefatura Territorial de Ourense, foi sometida a información pública a solicitude das autorizacións administrativas previa e de construción e da declaración de utilidade pública, en concreto, dunha instalación eléctrica no concello de Xinzo de Limia (expediente IN407A 2021/154-3), a cal foi publicada no DOG do 23.12.2021, realizando ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os titulares do predio que se relaciona no anexo para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial da Vicepresidencia Segunda e Consellería de Economía, Empresa e Innovación en Ourense, na rúa Curros Enríquez, nº 1-3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 17 de febreiro de 2022
Pablo Fernández Vila
Xefe territorial de Ourense
ANEXO
Relación de afectados descoñecidos, de domicilio ignorado ou non notificados
Número de expediente: IN407A 2021/154-3.
Solicitante: UFD Distribución Electricidad, S.A.
Denominación da instalación: regulamentación LMT XIN807-apoio 4 (Xinzo de Limia).
Termo municipal: Xinzo de Limia.
Predio núm. en proxecto: 2.
Referencia catastral: 32033A509005740000BA.
Lugar: Calzada.
Cultivo: agrario.
Titular: Luciano González Camino.
Enderezo: descoñecido.
Afección: ocupación de 2 m2 para o apoio núm. 5.