De conformidade co artigo 47 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público o informe de impacto ambiental, do 11 de febreiro de 2022, do proxecto de cambio de uso de forestal a agrícola de varias parcelas no monte veciñal en man común de Cumiar, nas parroquias de Cumiar e Guillade, no concello de Ponteareas (Pontevedra), promovido por CMVMC (Comunidade de Montes Veciñais en Man Común) de Cumiar.
Este informe poderase consultar na seguinte ligazón:
https://cmatv.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental, Sostibilidade e Cambio Climático, sitas en Santiago de Compostela (San Lázaro, s/n, planta baixa).
Santiago de Compostela, 14 de febreiro de 2022
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático