A instalación denominada Substitución apoio 9PC5DE00 da VLG802 e instalación de TLC, no concello de Sanxenxo, foi declarada de utilidade pública mediante a Resolución do 16 de marzo de 2021, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.
Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 19 de abril de 2022, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Sanxenxo.
As persoas interesadas recibirán unha notificación individual coa debida antelación legal, na cal se lles comunicarán a data e a hora en que deberán presentarse nos seus predios, informando de que poderán ir acompañados por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado (BOE).
Vigo, 26 de xaneiro de 2022
O xefe territorial de Pontevedra
P.A. (Artigo 36.3 en relación co 37.1 do Decreto 230/2020,
do 23 de decembro)
Gema Mouriño de Lucas
Xefa do Servizo de Enerxía e Minas
ANEXO
Substitución apoio 9PC5DE00 da VLG802 e instalación de TLC
|
Nº |
Referencia catastral |
Lugar |
Titular |
Nº apoio |
m2 solo |
Concello |
|
1 |
36051A017005160001GE |
Veiga |
CYC Piñeiro, S.L. |
1 |
12,43 |
Sanxenxo |
|
2 |
36051A017005140001GI |
Veiga |
Descoñecido |
1 |
0,95 |
Sanxenxo |
|
3 |
36051A017006030000FI |
Pedra |
CYC Piñeiro, S.L. |
1 |
2,78 |
Sanxenxo |
