Ante este Xurado Provincial de Clasificación de Montes Veciñais en Man Común, tramítase o expediente de clasificación do monte coas seguintes características:
– Expediente: 1/2021.
– Denominación: Cotarelo.
– Comunidade propietaria: veciños da Lama, Airexe, A Caseta, Ribas e A Casanova.
– Parroquia: Nespereira.
– Concello: Sarria.
– Superficie: 9,35 hectáreas.
Na seguinte táboa, indícanse as parcelas obxecto de clasificación e as súas estremeiras. O plano que figura no anexo, ao final deste anuncio, facilita a súa localización.
Parcela obxecto de clasificación |
Parcelas estremeiras |
|
27057A03600734 (parcialmente) 27057A03600825 (parcialmente) |
Norte |
27057A03600734 (parcialmente) |
Leste |
27057A03600734 (parcialmente) 27057A03600825 (parcialmente) |
|
Sur |
27057A03600765 |
|
Oeste |
27057A03600765 27057A03600759 27057A03609007 27057A03609006 |
En virtude do acordado polo Xurado na sesión do 11.1.2021 e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común, por este anuncio faise pública a iniciación do expediente para a posible clasificación do monte indicado.
Ábrese un período dun mes, contado desde o día seguinte ao da súa publicación no Diario Oficial de Galicia, para que os interesados poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Lugo, 20 de xaneiro de 2022
Mª Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo