Na sesión do Xurado Provincial o día 20.12.2021, figura o seguinte acordo:
Monte San Roque, parroquia de Sobrecedo, concello de Taboada. Expediente 3_85/2021_18.
O 22.9.2021 tivo entrada un recurso de reposición presentado pola Comunidade de Sobrecedo contra o Acordo do Xurado do 13 de setembro de 2021, de revisión de esbozo do seu monte veciñal. En síntese, manifestan que a peza máis ao norte do monte non tivo ningunha alteración, polo que solicitan que así se recolla na cartografía resultante, pois foi omitida.
Unha vez examinado o dito recurso, o Xurado, por unanimidade, acorda aceptalo de conformidade cos fundamentos que se recollen na correspondente resolución do recurso e proceder a reincorporar no esbozo a peza de monte situada ao norte, de acordo coa memoria técnica elaborada polo Servizo de Montes.
O novo esbozo correspóndese co plano que figura no anexo, ao final deste anuncio.
Contra esta resolución, no prazo de dous meses contados desde o día seguinte ao da súa notificación ou publicación no Diario Oficial de Galicia, poderá interporse recurso contencioso-administrativo ante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Lugo, 17 de xaneiro de 2022
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO