Mediante a Resolución do 26 de febreiro de 2021 encoméndase a Tecnologías y Servicios Agrarios, S.A. S.M.E., M.P. (Tragsatec) a execución dun servizo de xestión e mantemento dunha rede de asesoramento, seguimento e dinamización xuvenil, ata o 31 de decembro de 2021 .
Pola Resolución do 28 de decembro de 2021 mantense a dita encomenda por persistir a necesidade do encargo, ata o 31 de outubro de 2022.
Coa finalidade dar cumprimento ao disposto no artigo 45 da Lei 39/2015, do 1 de outubro, do procedemento administrativo común das administracións públicas, e os artigos 15 e 19 da referida Orde do 29 de xuño de 2021, procédese a publicar no Diario Oficial de Galicia o contido mínimo da encomenda:
– Actividade: servizo consistente na xestión e mantemento dunha rede de asesoramento, seguimento e dinamización xuvenil que busca achegar a mocidade galega á Administración ofrecéndolle, a través das canles de difusión máis adecuadas, asesoramento especializado nos recursos, programas, convocatorias e actividades destinados á poboación máis nova. Así mesmo, este programa incluirá o seguimento de resultados e indicadores das anteditas medidas, así como a necesaria dinamización da participación e asociacionismo xuvenil.
– Natureza e alcance da xestión encomendada: esta encomenda ten natureza intersubxectiva. Consonte o previsto polos artigos 9 e 47 da Lei 16/2010, do 17 de decembro, de organización e funcionamento da Administración xeral e do sector público autonómico, e para os efectos previstos nos artigos 6.3 e 32 da Lei 9/2017, do 8 de novembro, de contratos do sector público, e segundo a disposición adicional vixésimo cuarta desta lei Tecnologías y Servicios Agrarios, S.A. S.M.E., M.P. (Tragsatec) ten a consideración de medio propio e servizo técnico da Consellería de Política Social.
– Prazo de vixencia: o encargo encomendado iniciado en virtude da Resolución do 26 de febreiro de 2021 ata o 31 de decembro de 2021 prorrógase en virtude da Resolución do 28 de decembro de 2021 ata o 31 de outubro de 2022.
– Financiamento: este encargo tramitase con cargo á aplicación orzamentaria 13.06.313A.227.99 dos orzamentos de gastos da Comunidade Autónoma de Galicia.
O importe do encargo para cada período ascende a trescentos cincuenta e sete mil setenta euros con setenta e sete céntimos (357.070,77 €).
Santiago de Compostela, 30 de decembro de 2021
A conselleira de Política Social
P.D. (Orde do 3.3.201; DOG número 54, do 18 marzo)
María Francisca Gómez Santos
Secretaria xeral técnica da Consellería de Política Social