Para os efectos previstos na Lei 24/2013, do 26 de decembro, do sector eléctrico e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida San Luis, 77, 28033 Madrid.

Denominación: adecuación dos apoios 24 e 33 da LAT 132 kV Atios-Salvaterra.

Situación: Salvaterra de Miño e Salceda de Caselas.

Características técnicas: modificación da altura de dous apoios da LAT 132 kV Atios-Salvaterra en dous tramos. O primeiro tramo trátase dunha regulación dos condutores entre os apoios 23 e 25 cunha lonxitude de 648 metros e substitución do apoio 24. O segundo tramo trátase da regulación dos condutores entre os apoios 23 e 25 cunha lonxitude de 1.385 metros e substitución do apoio 33. As obras afectan os apoios 24 e 33 na LAT 132 kV Atios-Salvaterra ao seu paso polos concellos de Salvaterra de Miño e Salceda de Caselas.

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36003 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Vicepresidencia Segunda e Consellería de Economía, Empresa e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 22 de decembro de 2021

Tomás Nogueiras Nieto
Xefe territorial de Pontevedra

ANEXO

Nº de expediente: IN407A 2021/243-4.

Denominación: adecuación dos apoios 24 e 33 da LAT 132 kV Atios-Salvaterra.

Concellos: Salvaterra de Miño e Salceda de Caselas

Nº da parcela no proxecto: 1.

Titular: María del Carmen González Rajo.

Lugar: Entrecamiños.

Cultivo: piñeiral.

Polígono: 94.

Parcela: 37.

Referencia catastral: 36050A094000370000PG.

Afección: 52,70 m2 para apoio nº 33N.