O director da Axencia de Protección da Legalidade Urbanística resolveu, o día 15 de novembro de 2021, incoar expediente de reposición da legalidade urbanística en relación coas obras de cubrición da calella existente entre a unidade edificatoria 4104.01 sita na rúa da Caldereiría, nº 37 e a unidade edificatoria 4104.02 sita na praza da Universidade, nº 3, invadindo viario, no termo municipal de Santiago de Compostela, provincia da Coruña.
Ao non poderse realizar a notificación persoal desta resolución ás persoas titulares do documento nacional de identidade 11804273-Y, 33170825-H e a Dolores Espasandín Bustelo, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas interesadas a devandita resolución por medio dun anuncio publicado no Boletín Oficial del Estado (BOE).
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, fáiselles saber ás persoas interesadas que o texto íntegro da resolución que se notifica se encontra ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no BOE. Transcorrido o devandito prazo, a notificación entenderase producida.
As persoas interesadas disporán dun prazo de 15 días hábiles para alegar e presentar os documentos e informacións que xulguen pertinentes e, se é o caso, propor proba concretando os medios de que pretendan valerse.
Para que conste, e lle sirva de notificación ás persoas interesadas en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 13 de decembro de 2021
Jacobo Hortas García
Director da Axencia de Protección da Legalidade Urbanística
