No Diario Oficial de Galicia nº 197, do 29 de setembro de 2020, publícase o Decreto 165/2020, do 17 de setembro, polo que se regula o deporte de alto nivel, de alto rendemento e de rendemento deportivo de base de Galicia, a través do cal, no seu artigo 39, se recoñecen os núcleos de adestramento deportivo especializado coma o conxunto de medios humanos e materiais xestionados por unha federación deportiva, club deportivo ou sociedade anónima deportiva inscrito no Rexistro de Entidades Deportivas de Galicia que teña por finalidade a preparación técnico-deportiva orientada ao alto nivel ou ao alto rendemento deportivo.

A través da Orde do 23 de xuño de 2021 pola que se establecen os criterios técnico-deportivos para a obtención das condicións de persoa deportista de alto nivel, alto rendemento deportivo e rendemento deportivo de base, e os criterios deportivos para o recoñecemento dos núcleos de adestramento deportivo especializado, determínanse, artigo 7, os criterios deportivos para os núcleos de adestramento especializado.

A Comisión galega de avaliación do alto nivel deportivo, do alto rendemento deportivo e do rendemento deportivo de base reuniuse o 23 de novembro de 2021 co obxecto de analizar os requisitos para o recoñecemento do núcleo, segundo o disposto no artigo 40 do decreto e no artigo 7 da orde, e propuxo o recoñecemento dos núcleos de adestramento especializado, o que tivo efectividade a través das resolucións da Secretaría Xeral para o Deporte do 29 de novembro de 2021.

Os proxectos recoñecidos correspóndense co interese estratéxico deportivo da propia Comunidade Autónoma, encamiñado á participación dos deportistas galegos e das deportistas galegas en xogos olímpicos ou paralímpicos, campionatos do mundo, campionatos de Europa e outras competicións internacionais de máximo nivel.

Con base no anteriormente exposto,

RESOLVO:

Publicar os recoñecementos como núcleos de adestramento deportivo especializado a:

Club Kayak Tudense, rúa Olímpicos Tudenses, s/n, 36700 Tui, Pontevedra.

Club Boxeo Kick Boxing, rúa Aldea, 6, 15190 A Coruña.

Federación Galega de Hóckey, rúa Carlos Maside, nº 0, 32002 Ourense.

Federación Galega de Squash, rúa Fotógrafo Luis Ksado, 17, porta 11, 36209 Vigo, Pontevedra.

Federación Galega de Surf, rúa Fotógrafo Luis Ksado, 17, porta 17, 36209 Vigo, Pontevedra.

Santiago de Compostela, 3 de decembro de 2021

José Ramón Lete Lasa
Secretario xeral para o Deporte