Na sesión extraordinaria da Xunta de Goberno Local do 25 de novembro de 2021 aprobouse inicialmente o Plan especial de infraestruturas e dotacións para a construción dun equipamento educativo en Portosín, concello de Porto do Son.
De conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do Regulamento da Lei 2/2016, de 10 de febreiro, do solo de Galicia, aprobado polo Decreto 143/2016, do 22 de setembro, sométese a información pública durante o prazo de 2 meses contados desde a publicación deste anuncio no Diario Oficial de Galicia.
Así mesmo, estará á disposición na sede electrónica deste concello no enderezo htpps://portodoson.sedelectronica.gal
Durante o devandito prazo, poderá ser examinado por calquera interesado na Secretaría Xeral do Concello para que se poidan formular as alegacións que se consideren pertinentes ou obter copias.
Así mesmo, suspéndese o outorgamento das licenzas nas áreas afectadas pola aprobación do Plan especial segundo o resumo executivo que consta no expediente. A duración da suspensión será ata a aprobación definitiva do plan e, en todo caso, por un prazo máximo de 2 anos.
Se, transcorrido o devandito prazo, non se presentaron alegacións, o documento será elevado para a súa aprobación definitiva, se procede.
Porto do Son, 26 de novembro de 2021
José Luis Oujo Pouso
Alcalde