A Xunta de Goberno do Concello da Laracha, na sesión ordinaria do 18 de novembro de 2021, aprobou inicialmente o Plan parcial AR S1 Gallega de Mallas.

O expediente sométese á información pública e a consultas polo prazo de 2 meses, mediante anuncio no taboleiro de anuncios físico e/ou electrónico na sede electrónica, no Diario Oficial de Galicia e nun dos diarios de maior difusión provincial. Durante o devandito período quedará o expediente de manifesto na secretaría do Concello, en horario de atención ao público, de luns a venres.

Segundo xustifica o informe técnico, non procede suspender o outorgamento de aprobacións, autorizacións e licenzas.

Ligazón de acceso: https://drive.google.com/file/d/1CWkevm_3ETFv0nVP-CWm5UBSxhZhj0u2/view

A Laracha, 25 de novembro de 2021

José Manuel Varela López
Alcalde