Mediante a Resolución do 8 de setembro de 2021 (DOG núm. 181, do 20 de setembro), aprobáronse e publicáronse as bases reguladoras dos premios de investigación sobre VIH e/ou outras infeccións de transmisión sexual (ITS) 2021.
O xurado destes premios fixo unha revisión bibliográfica dos artigos que cumpren cos requisitos recollidos nas bases reguladoras, avaliándoos segundo os criterios de selección establecidos, tal como se recolle no artigo 8 das referidas bases.
O 10 de novembro, o xurado reuniuse para poñer en común a avaliación dos artigos científicos e propoñer, no acordo de concesión, as catro persoas galardoadas.
O 15 de novembro recibiuse a aceptación expresa das persoas propostas e a acreditación da súa vinculación a un centro ou institución galega incluído no ámbito de aplicación destas bases no momento da elaboración do artigo.
As ditas bases establecían no artigo 10 que a persoa titular da presidencia da Axencia Galega de Coñecemento en Saúde (ACIS) ditará a resolución do premio que será inapelable, e farase pública a través do Diario Oficial de Galicia e das páxinas web do Servizo Galego de Saúde, www.sergas.es, e da ACIS, www.acis.sergas.gal
Crédito orzamentario: catro mil cincocentos euros (4.500,00 €), con cargo á aplicación orzamentaria 2021-12.A1-411A-480.00, proxecto 2018/00003, dos orzamentos do ano 2021 da ACIS:
a) Primeiro premio cunha dotación de tres mil euros (3.000,00 €).
b) Segundo premio cunha dotación de mil cincocentos euros (1.500,00 €).
c) Primeiro accésit (sen dotación económica).
d) Segundo accésit (sen dotación económica).
No que se refire ás persoas investigadoras premiadas, véxase o anexo.
Santiago de Compostela, 19 de novembro de 2021
Julio García Comesaña
Presidente da Axencia Galega para a
Xestión do Coñecemento en Saúde
ANEXO
Persoas premiadas
Núm. |
Persoas autoras |
Título do artigo |
Centro ou institución galega |
Importe do premio |
1º |
Gómez Dacoba, Tamara |
Technological challenges in the preclinical development of an HIV nanovaccine candidate |
Centro de Investigación en Medicina Molecular e Enfermidades Crónicas (CIMUS) Departamento de Farmacoloxía, Farmacia e Tecnoloxía Farmacéutica. Facultade de Farmacia. Universidade de Santiago de Compostela |
3.000,00 € |
2º |
Póveda López, Eva |
Massive release of CD9+ microvesicles in HIV infection, regardless of virologic control |
Grupo de Investigación en Viroloxía e Patoxénese. Instituto de Investigación Sanitaria Galicia Sur (IISGS ) –Complexo Hospitalario Universitario de Vigo- Universidade de Vigo |
1.500,00 € |
1º Accésit |
Margusino Framiñán, Luis |
Effectiveness and safety of sofosbuvir/velpatasvir ± ribavirina vs glecaprevir/pibrentasvir in genotype 3 hepatitis C virus infected patients |
Servizo de Farmacia. Complexo Hospitalario Universitario A Coruña (CHUAC) Grupo de Investigación de Viroloxía Clínica. Instituto de Investigación Biomédica A Coruña (INIBIC)-CHUAC-Universidade da Coruña. |
_ |
2º Accésit |
Lorenzo Pouso, Alejandro Ismael |
Awareness Levels of the Link Between Oropharyngeal Cancer and HPV Infection Among Spanish Women: a Hospital-Based Cross-sectional Study |
Area de Estomatoloxía. Facultade de Medicina e Odontoloxía. Universidade de Santiago de Compostela. Grupo de Investigación en Patoloxía Oral Médico-Cirúrxica, Xerodontoloxía, Biomateriais e Innovación Tecnolóxica (MedOralRes) – Instituto de Investigación Sanitaria de Santiago de Compostela (IDIS) |
_ |