De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e dáselles audiencia aos titulares dos establecementos que no anexo se mencionan, no procedemento de baixa da autorización e cancelación da inscrición no Rexistro de Empresas e Actividades Turísticas da Comunidade Autónoma de Galicia.
Mediante visita da Inspección da Área Provincial de Turismo de Ourense comprobouse que nos establecementos que se relacionan no anexo non se realiza nin exerce a actividade turística para a cal foron autorizados no seu día.
Ao considerar que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma de Galicia, iniciar o expediente de baixa de oficio dos establecementos relacionados no anexo.
O que se lles notifica aos titulares dos establecementos referidos, para que no prazo de quince (15) días poidan efectuar as alegacións que consideren pertinentes, para o cal poderán examinar o expediente e obter copias dos documentos contidos nel, na Área Provincial de Turismo de Ourense.
Ourense, 16 de novembro de 2021
Cecilio Santalices de la Escosura Mourille
Xefe da Área Provincial de Turismo de Ourense
ANEXO
Establecemento |
Titular |
Enderezo |
Concello |
Restaurante Pérez |
Ángel Casado García |
Rúa Colón, 26 |
Ourense |
Cafetería Lido |
Antonio Machado González |
Juan XXIII, 6 |
Ourense |
Restaurante Malo Será |
Carlos Eduardo Acuña |
Avda. As Caldas, 31 |
Ourense |
Restaurante Galicia |
César Rodríguez Álvarez |
Avda. As Caldas, 32 |
Ourense |
Restaurante Parrillada Severino |
Esperanza Gómez Ramos |
Avda. Buenos Aires, 272 |
Ourense |
Restaurante Estadio |
Beatriz Álvarez Fernández |
Estrada de Laza, 174 |
Verín |