Convócanse, para a súa provisión, as tres cadeiras de académico/a numerario/a de Historia da Medicina, Cardioloxía e Uroloxía.

Para poder aspirar a tales cadeiras, é preciso ter nacionalidade española e residir en Galicia, así como estar en posesión do título de doutor en Medicina; por outra parte, posuirán un relevante e acreditado prestixio científico e profesional, avalado polas súas responsabilidades, investigación, publicacións ou traballos científicos orixinais.

Ninguén poderá presentar persoalmente a súa candidatura para o posto de académico/a.

As propostas serán formuladas por tres académicos/as de número, dos que, polo menos un, deberá pertencer á sección na que estea incluída a dita vacante.

Non se tramitará ningunha proposta que leve máis de tres sinaturas, nin as que leven sinaturas que consten xa noutra candidatura concurrente á mesma praza.

As propostas deberán ir acompañadas dun curriculum vitae do candidato e presentaranse na Secretaría da Real Academia de Medicina (rúa Durán Loriga, 10, 2º, 15003 A Coruña), no prazo de 15 días naturais a partir da publicación deste anuncio.

A Coruña, 26 de outubro de 2021

Ramiro Varela Cives
Académico numerario-secretario en funcións
da Real Academia de Medicina de Galicia