Elaborouse a estrutura de custos do servizo de limpeza viaria e recollida de residuos do Concello de Ferrol (A Coruña), polo que, ao abeiro do previsto no artigo 9, punto 7, letra c), do Real decreto 55/2017, do 3 de febreiro, polo que se desenvolve a Lei 2/2015, do 30 de marzo, de desindexación da economía española, sométese ao trámite de información pública por un prazo de 20 días, durante os cales os/as interesados/as no presente expediente poderán formular as alegacións que consideren oportunas.
Por outra banda e ao abeiro do disposto no artigo 83.2 da Lei 39/215, do 1 de outubro, do procedemento administrativo común das administracións públicas, o expediente de estrutura de custos ponse á disposición das persoas interesadas na sede electrónica do Concello de Ferrol (www.ferrol.gal).
Proposta de estrutura de custos do servizo de limpeza viaria e recollida de residuos do Concello de Ferrol.
– O cálculo do período de recuperación do investimento, ao abeiro do previsto no Real decreto 55/2017, do 3 de febreiro, dá como resultado un período de 9 anos.
– A proposta de estrutura de custos do servizo de recollida de residuos e limpeza viaria do Concello de Ferrol foi elaborado baixo criterios técnicos, desde a proximidade á realidade do servizo e contrastada coas estruturas de costos presentadas polos cinco operadores económicos que deron resposta ao requirimento do Concello. Por isto, proponse unha estrutura baseada no estudo económico realizado polo Concello, que é o que máis se axusta á idiosincrasia real do servizo.
Polo tanto, a estrutura considérase axeitada para tomar como referencia no establecemento do réxime de revisión de prezos que figurará prevista nos pregos que rexerán o futuro contrato do servizo de recollida de residuos e limpeza viaria do Concello de Ferrol.
|
Estrutura de custos simplificada |
|
|
Concepto |
% (s/total) |
|
Persoal |
58,42 % |
|
Custos de mantemento de vehículos, maquinaria e combustible |
17,78 % |
|
Non revisable |
23,80 % |
O que se fai público para xeral coñecemento.
Ferrol, 5 de novembro de 2021
Ángel Mato Escalona
Alcalde
