A Xunta de Goberno Local, na sesión que tivo lugar o 13 de outubro de 2021, acordou aprobar inicialmente o documento do estudo de detalle para a ordenación volumétrica dun equipamento de benestar social e asistencial público, situado na rúa Castaño de Eirís 1D, CP 15009 Eirís, A Coruña, de setembro de 2021, redactado pola arquitecta Elsa Urquijo Gómez, colexiada nº 2225 do Colexio Oficial de Arquitectos de Galicia, e promovido pola Consellería de Política Social da Xunta de Galicia; dar por desistido da tramitación o estudo de detalle para a ordenación volumétrica dun equipamento de benestar social e asistencial público, documento para a aprobación definitiva. Situación: rúa Castaño de Eirís 1D, CP 15009 Eirís, A Coruña, de xuño de 2021, co número de expediente EDD-4/20, 631/2020/224, e declarar concluso o procedemento.
En cumprimento do artigo 80.2 da Lei 2/2016, do 10 de febreiro, do solo de Galicia, e dos artigos 194.2 e 207 do seu regulamento, sométese o expediente á información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.
A documentación estará á disposición no taboleiro de anuncios da sede electrónica do concello, no punto de información urbanística, na web de Urbanismo e no visor Desenvolvemento do planeamento. Tamén se poderá consultar fisicamente nas dependencias de Urbanismo, Vivenda, Infraestruturas e Mobilidade do Concello da Coruña (praza de Indalecio Prieto 1-3), das 9.00 ás 13.00 horas, logo de cita que se solicitará por escrito no Rexistro Municipal ou se dirixirá a registrourbanismo@coruna.es
A Coruña, 26 de outubro de 2021
A alcaldesa
P.D. (Decreto 3847, do 27.6.2019)
María Hernández García
Directora da Área de Urbanismo