De conformidade coa proposta elevada pola comisión nomeada para xulgar o concurso para a provisión de prazas dos corpos docentes universitarios, convocado mediante a Resolución conxunta desta universidade e o Servizo Galego de Saúde do 16 de marzo de 2021 (BOE do 29 de marzo), e presentada pola persoa interesada a documentación a que fai referencia a base novena da convocatoria,

Este reitoría, en uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento que se relaciona no anexo.

Este nomeamento producirá plenos efectos a partir da correspondente toma de posesión pola persoa interesada, que deberá efectuarse no prazo máximo de 20 días, contados desde o día seguinte ao da publicación desta resolución no Boletín Oficial del Estado.

Contra a presente resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, a contar desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpor recurso potestativo de reposición no prazo dun mes ante o órgano que ditou o acto, sen que neste caso se poida interpor o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 27 de outubro de 2021

Antonio López Díaz
Reitor da Universidade de Santiago de Composela

ANEXO

Nº concurso: 2526-V/20
Código praza:	C01859
Apelidos e nome:	Fernández Feijóo, Javier
DNI/NIE:	***4203**
Corpo:	Profesor titular de universidade vinculado coa categoría asistencial de facultativo especialista de área
Especialidade:	Graduado/a ou licenciado/a en Odontoloxía ou ben especialista en Estomatoloxía
Área de coñecemento:	Estomatoloxía
Departamento:	Cirurxía e especialidades médico-cirúrxicas
Institución sanitaria:	EOXI Santiago
Localidade:	Santiago de Compostela