En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que mediante a Resolución do 7 de outubro de 2021 se outorgou o permiso e concesión de actividade para a instalación do establecemento de acuicultura en zona terrestre que se describe:

Tipo de establecemento: criadeiro de moluscos.

Titular: Confraría de Pescadores San Bartolomé de Noia (G15030844).

Prazo de outorgamento: dez anos, prorrogables por iguais períodos, ata un máximo de corenta anos.

Localización: Estibada da Marta, O Freixo, termo municipal de Outes (A Coruña).

Especies autorizadas: ameixa fina, ameixa babosa e ostra plana.

O informe de impacto ambiental do proxecto fíxose público mediante a Resolución do 2 de xuño de 2005, da Dirección Xeral de Recursos Mariños, publicada no Diario Oficial de Galicia núm. 144, do 28 de xullo.

Santiago de Compostela, 8 de outubro de 2021

Mercedes Rodríguez Moreda
Directora xeral de Pesca, Acuicultura e Innovación Tecnolóxica