Na sesión celebrada polo Xurado Provincial o día 13.9.2021 figura o seguinte acordo:

Monte Louseiras (expediente 4/2020), pertencente aos veciños de San Xoán de Alba, concello de Vilalba.

O 16.6.2021 tivo entrada un recurso de reposición, presentado por Juan Manuel Carretero López, contra o acordo do Xurado do 2.6.2021, de clasificación do MVMC Louseiras. En síntese, manifesta non estar de acordo coa clasificación porque non respecta a división parroquial de Alba e Torre, cuxos montes son estremeiros.

O 9.9.2021, o Servizo de Montes emite un informe en que expón que non existen deslindamentos oficiais dos termos parroquiais e que esta indeterminación imposibilita que se poidan usar como base cartográfica para delimitar os montes. Así mesmo, a pesar de que a cartografía derivada do expediente de clasificación é detallada, isto non impide que se leve a cabo un procedemento de deslindamento posterior entre os montes veciñais das ditas parroquias, coas correspondentes variacións dos seus perímetros.

Examinado o recurso, o Xurado, por unanimidade, acorda desestimalo, de conformidade cos fundamentos que se recollen na correspondente resolución.

Contra esta resolución, no prazo de dous meses contados desde o día seguinte ao da súa notificación ou publicación no Diario Oficial de Galicia, poderá interpoñerse recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Lugo, 27 de setembro de 2021

Mª Olga Iglesias Fontal
Presidenta do Xurado Provincial de Clasificación de Montes Veciñais
en Man Común de Lugo