En cumprimento da Resolución de 7 de outubro de 2021, do Instituto de Estudos do Territorio, organismo autónomo adscrito á Consellería de Medio Ambiente, Territorio e Vivenda, emprázanse cantos aparezan como interesados no procedemento de aprobación do Decreto 238/2020, do 29 de decembro, polo que se aproban as Directrices de paisaxe de Galicia, publicado no Diario Oficial de Galicia número 20, do 1 de febreiro de 2021, para que poidan presentarse ante o Tribunal Superior de Xustiza de Galicia, Sección Segunda, no prazo de nove días, no procedemento ordinario 4087/2021, no cal recorre o Avogado do Estado en nome e representación da Administración xeral do Estado, contra a resolución administrativa deste expediente.
O que se fai público para xeral coñecemento.
Santiago de Compostela, 7 de outubro de 2021
O director do Instituto de Estudos do Territorio
P.S. (Resolución do 3.9.2021)
Mª Carmen Bouso Montero
Secretaria Xeral Técnica da Consellería de Medio Ambiente,
Territorio e Vivenda