Na sesión celebrada o día 13.9.2021, o Xurado Provincial de Clasificación de Montes Veciñais en Man Común de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
– Monte Sur Arroio Raposeiras (exp. 74/76), pertencente aos veciños do sur da parroquia de Augas Santas; monte Norte Arroio Raposeiras (exp. 73/76), pertencente aos veciños do norte da parroquia de Augas Santas; e monte Merlán (exp. 91/76), pertencentes aos veciños da parroquia de Merlán, agás Hospital, todos eles do concello de Palas de Rei.
O 1.3.2021 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa o monte Sur Arroio Raposeiras dos montes Norte Arroio Raposieras e Merlán. Presentan acta de deslindamento, planos topográficos, acta de conciliación ante o Xulgado de Paz de Palas de Rei e certificacións de aprobación por parte das comunidades implicadas.
O 13.7.2021 o Servizo de Montes emite un informe (2021_9) en que se especifican as modificacións que se producen nos montes como consecuencia do deslindamento acordado, e cuxas superficies pasan a ser:
MVMC Sur Arroio Raposeiras, 453 hectáreas.
MVMC Norte Arroio Raposeiras, 174 hectáreas.
MVMC Merlán, 448 hectáreas.
Examinada a documentación presentada, o Xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
– Monte Ferreira (exp. 85/76), pertencente aos veciños da parroquia de Ferreira; e monte Sur Arroio Raposeiras (exp. 74/76), pertencente aos veciños do sur da parroquia de Augas Santas, ambos no concello de Palas de Rei.
O 17.12.2020 foi presentada unha solicitude (mellorada o 17.6.2021) relativa ao acordo de deslindamento levado a cabo por avinza entre as citadas comunidades, canto á liña divisoria que separa os seus montes. Presentan acta de deslindamento, planos topográficos, acta de conciliación ante o Xulgado de Paz de Palas de Rei e certificacións de aprobación por parte das comunidades implicadas.
O 13.7.2021 o Servizo de Montes emite un informe (2020_64) en que se especifican as modificacións que se producen nos montes como consecuencia do deslindamento acordado, e cuxas superficies pasan a ser:
MVMC Ferreira, 152 hectáreas.
MVMC Sur Arroio Raposeiras, 486 hectáreas.
Examinada a documentación presentada, o Xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
– Monte Serra de Auga Levada (exp. 30/73), pertencente aos veciños de Castí, Freixeiro, San Pedro e Santa Andrea, na parroquia de Quintá de Lor; e monte Augasmestas (exp. 32/73), pertencente aos veciños da parroquia de Augasmestas, ambos no concello de Quiroga.
O 19.1.2021 foi presentada unha solicitude relativa ao acordo de deslindamento levado a cabo por avinza entre as citadas comunidades, canto á liña divisoria que separa os seus montes. Presentan acta de deslindamento, planos topográficos, acta de conciliación ante o Xulgado de Paz Quiroga e certificacións de aprobación por parte das comunidades implicadas.
O 19.5.2021 o Servizo de Montes emite un informe (2021_2) en que se especifican as modificacións que se producen nos montes como consecuencia do deslindamento acordado, e cuxas superficies pasan a ser:
MVMC Serra de Auga Levada, 522 hectáreas.
MVMC Augasmestas, de 464 hectáreas.
Examinada a documentación presentada, o Xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
– Monte Eiras e Reboredo (exp. 54/76), pertencente aos veciños de Campo do Val, Fisteus, A Goia, Vilaboa e Vilameá, da parroquia de Fisteus; e monte Bustelo de Fisteus (exp. 123/75), pertencente aos veciños do lugar de Bustelo de Fisteus, ambos no concello de Quiroga.
O 29.1.2021 foi presentada unha solicitude relativa ao acordo de deslindamento levado a cabo por avinza entre as citadas comunidades, canto á liña divisoria que separa os seus montes. Presentan acta de deslindamento, planos topográficos, acta de conciliación ante o Xulgado de Paz Quiroga e certificacións de aprobación por parte das comunidades implicadas.
O 19.5.2021 o Servizo de Montes emite un informe (2021_3) en que se especifican as modificacións que se producen nos montes como consecuencia do deslindamento acordado, e cuxas superficies pasan a ser:
MVMC Eiras e Reboredo, 435 hectáreas.
MVMC Bustelo de Fisteus, 426 hectáreas.
Examinada a documentación presentada, o Xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 23 de setembro de 2021
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
