Procedemento: expropiación urbanística.
Expediente: 2021/U040/000004.
De conformidade co disposto no artigo 118 da Lei do solo de Galicia, comunícase que con data do 16 de setembro de 2021, mediante a Resolución da Alcaldía número 2621/2021, foi aprobado inicialmente o proxecto de expropiación forzosa (taxación conxunta) por razóns urbanísticas para a execución do proxecto de obra denominado Ampliación e regularización do sistema viario na rúa Torrente Ballester.
Así mesmo, consonte a devandita resolución, procede someter o referido proxecto a información pública por período dun mes, mediante a inserción de anuncios no Diario Oficial de Galicia e nun xornal dos de maior circulación da provincia, así como a notificación individualizada con traslado literal das follas de valoración e da proposta de fixación dos criterios de valoración a todos os que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio como á fixación do prezo xusto, por idéntico prazo dun mes.
A relación de bens e dereitos afectados é a seguinte:
|
Nº |
Parcela catastral |
Titular |
Superficie afectada |
|
1 |
9353810NH3995S0001AK |
Veiga Martínez, Carmen |
77,72 m2 |
|
2 |
9353811NH3995S0001BK |
Lema Vázquez, Amable e catorce máis |
74,97 m2 |
|
3 |
9551338NH3995S0001WK |
Becerra Tuset, Consuelo |
12,02 m2 |
|
4 |
9353809NH3995S0001YK |
Sánchez Lago, José e Sánchez Lago, Anunciación |
417,96 m2 |
|
5 |
9551318NH3995S0001FK |
Castro Vázquez, Amelia |
12,19 m2 |
|
6 |
9551317NH3995S0001TK |
Martínez Palleiro, Eduardo José |
277,01 m2 |
|
7 |
9353815NH3995S |
Comunidade propietarios rúa Arzobispo Gelmírez, 6 |
40,41 m2 |
|
8 |
9353816NH3995S |
Comunidade propietarios rúa Arzobispo Gelmírez, 4 |
32,08 m2 |
|
9 |
9353817NH3995S |
Comunidade propietarios rúa Arzobispo Gelmírez, 1 |
2,44 m2 |
Durante o devandito prazo as persoas interesadas poderán examinar o seu contido nas dependencias municipais do Concello de Arteixo, sitas na Travesía de Arteixo, nº 249, 3º andar, de luns a venres das 9.00 ás 14.00 horas, a fin de que poidan alegar e presentar os documentos e xustificacións que consideren pertinentes.
Ante a eventualidade de que poidan existir interesados descoñecidos neste procedemento, se ignore o lugar da notificación ou ben, tentada esta, non se puido efectuar, sirva este anuncio de notificación co alcance e a finalidade previstos no artigo 44 da Lei 39/2015, do procedemento administrativo común das administracións públicas, sen prexuízo da preceptiva publicación no BOE.
Arteixo, 16 de setembro de 2021
O alcalde
P.D. (Decreto nº 1513/2021)
Luis Alberto Castro Calvete
Concelleiro de Urbanismo e Patrimonio
