De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e dado que os titulares dos bens que se relacionan a seguir son descoñecidos e/ou ignórase o lugar de notificación, ou resulta infrutuosa, e, polo tanto, a notificación imposible, comunícaselles ás persoas responsables a súa obriga legal de xestión da biomasa e retirada das especies arbóreas prohibidas nas parcelas que se relacionan, imposta polo artigo 22.1 da antedita Lei 3/2007, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas:
Parcelas de titulares ilocalizables incluídas dentro do ámbito da parroquia prioritaria de San Pedro de Visma.
Ref. catastral |
Parroquia |
Ha afectadas |
Liquidación provisional |
Persoa responsable |
15900A01400391 |
San Pedro de Visma |
0,0518 |
45,32 € |
Herdeiros de Eduardo Martínez Souto |
15900A01400392 |
San Pedro de Visma |
0,0495 |
43,31 € |
Enriqueta Sande Canzobre |
15900A01400549 |
San Pedro de Visma |
0,0474 |
41,47 € |
Herdeiros de José Martínez Souto |
15900A01400550 |
San Pedro de Visma |
0,0370 |
32,37 € |
Herdeiros de Manuel Martínez Souto |
5919104NJ4051N |
San Pedro de Visma |
0,0131 |
22,05 € |
Zarabetos, S.L. |
6122620NJ4062S |
San Pedro de Visma |
0,2905 |
490,62 € |
Francisco Parga Vázquez |
15900A01400197 |
San Pedro de Visma |
0,0671 |
113,32 € |
Herdeiros de Manuela Pardo Vázquez |
15900A01300094 |
San Pedro de Visma |
0,4028 |
1.428,26 € |
Antonio Alvedro Blanco |
15900A01400363 |
San Pedro de Visma |
0,3695 |
1.310,18 € |
Herdeiros de Eduardo Martínez Souto |
15900A01400367 |
San Pedro de Visma |
0,0314 |
53,03 € |
Herdeiros de Eduardo Martínez Souto |
15900A01400395 |
San Pedro de Visma |
0,0265 |
23,19 € |
Herdeiros de Juan Varela Martínez |
4924306NJ4042N |
San Pedro de Visma |
0,0721 |
121,77 € |
Herdeiros de Luis Maceiras Rodríguez |
4924307NJ4042N |
San Pedro de Visma |
0,0698 |
117,88 € |
Francisco Maceiras Rodríguez |
5227410NJ4052N |
San Pedro de Visma |
0,3532 |
1.252,38 € |
Herdeiros de Luis Segade Vázquez |
15900A01400391 |
San Pedro de Visma |
0,0518 |
45,32 € |
Herdeiros de Eduardo Martínez Souto |
15900A01400392 |
San Pedro de Visma |
0,0495 |
43,31 € |
Enriqueta Sande Canzobre |
15900A01400549 |
San Pedro de Visma |
0,0474 |
41,47 € |
Herdeiros de José Martínez Souto |
1. En virtude do anterior, as persoas responsables dispoñen dun prazo máximo de quince días naturais para o cumprimento voluntario da obriga de xestión da biomasa na parcela citada, que se iniciará o día seguinte ao da publicación deste anuncio.
Ao atoparse as parcelas anteriores incluídas no ámbito da parroquia priorizada de San Pedro de Visma, entenderase voluntariamente cumprida a obriga de xestión da biomasa cando, con anterioridade á finalización do prazo sinalado no parágrafo anterior, a persoa responsable subscriba o contrato de xestión da biomasa con Seaga, recollido no anexo III do convenio de colaboración subscrito entre a Xunta de Galicia, a Fegamp e Seaga en materia de prevención e defensa contra os incendios forestais para o establecemento dun sistema público de xestión da biomasa nas faixas secundarias (DOG núm. 156, de 17 de agosto de 2018), debendo comunicalo a este concello dentro do dito prazo.
2. Se, transcorrido o prazo sinalado anteriormente, non se tivera xestionado voluntariamente a biomasa por parte das persoas responsables, o Concello da Coruña, a través do convenio de colaboración subscrito entre a Xunta de Galicia, a Fegamp e Seaga en materia de prevención e defensa contra os incendios forestais para o establecemento dun sistema público de xestión da biomasa nas faixas secundarias (DOG núm. 156, do 17 de agosto de 2018), procederá sen máis trámites á execución subsidiaria, con repercusión dos custos e, se for o caso, comiso das especies arbóreas prohibidas retiradas pola Administración, nas condicións establecidas no artigo 22.2 da Lei 3/2007, xa dita. Para iso, o Concello procederá á liquidación provisional dos custos a que previsiblemente dará lugar a xestión da biomasa, referenciados para cada unha das parcelas nas táboas anteriores, coa advertencia expresa de que se procederá á súa exacción inmediata, sen prexuízo da liquidación definitiva unha vez rematados os traballos.
O anterior, sen prexuízo da instrución do procedemento sancionador que corresponda.
A persoa titular do terreo ou do dereito de aproveitamento terá a obriga legal de facilitar o necesario acceso para a realización dos traballos de xestión da biomasa e retirada das especies arbóreas prohibidas.
O suxeito que realice os traballos de execución subsidiaria terá a facultade de acceder sen consentimento da persoa titular, agás nos supostos excepcionais previstos legalmente, cando o acceso afecte, dentro da parcela, espazos físicos susceptibles de merecer a cualificación de domicilio para os efectos do artigo 18.2 da Constitución española.
3. Canto ao procedemento sancionador que se iniciará no caso de persistencia no incumprimento unha vez transcorrido o prazo outorgado, e segundo o previsto no título VII da Lei 3/2007, infórmase do seguinte:
A) Administración competente para sancionar (artigo 54 da Lei 3/2007).
1º. Será competente para incoar o procedemento sancionador para as infraccións cometidas en terreos agrícolas, forestais e de influencia forestal a persoa titular da xefatura territorial da consellería con competencias en materia forestal por razón do territorio en que se cometeu a infracción, ou daquel con maior superficie afectada.
2º. Serán competentes para a resolución dos procedementos sancionadores por infraccións tipificadas na Lei 3/2007 e incoados no ámbito da consellería con competencia en materia forestal:
a) A persoa titular da xefatura territorial da consellería competente en materia forestal para a imposición de sancións pola comisión de infraccións leves.
b) O órgano competente en materia forestal, para a imposición de sancións pola comisión de infraccións graves.
c) A persoa titular da consellería que teña asignada competencia en materia forestal, para a imposición de sancións pola comisión de infraccións moi graves.
3º. A incoación do procedemento sancionador en aplicación desta lei, por ausencia de ordenanzas municipais ao respecto, para as infraccións cometidas en terreos urbanos, de núcleo rural e urbanizables delimitados será competencia da respectiva Administración local. A resolución dos expedientes pola comisión de infraccións leves e graves corresponderalle á persoa titular da alcaldía, e a dos expedientes pola comisión de infraccións moi graves ao Pleno do Concello, de conformidade co establecido no artigo 21.ter 2 da Lei 3/2007.
B) Cualificación da infracción: infracción leve (artigo 51.3.a) da Lei 3/2007), sen prexuízo do establecido no artigo 51.2.g) para as faltas graves.
C) Contía máxima da sanción pecuniaria que se poida impoñer no caso de infracción leve: 1.000 € (artigo 74.a) da Lei 43/2003, do 21 de novembro, de montes, en relación co disposto no artigo 50.1 da Lei 3/2007). No caso de ser considerada infracción grave, a contía máxima da sanción será de 100.000 € (artigo 74.b) da Lei 43/2003).
D) Procederase ao comiso cautelar da madeira resultante da corta das especies arbóreas que deban ser retiradas de acordo co establecido no artigo 22.2 da Lei 3/2007.
A Coruña, 20 de agosto de 2021
A alcaldesa
P.D. (Decreto do 26 de xuño de 2019; BOP núm. 124, do 3 de xullo)
Mª Esther Fontán Prado
Concelleira delegada de Medio Ambiente