Advertido erro na Resolución do 26 de xaneiro de 2021 que se cita, publicada no DOG núm. 23, do xoves 4 de febreiro de 2021, cómpre facer a seguinte corrección:

Na páxina 7319, onde di:

«Resolución do 26 de xaneiro de 2021, da Xefatura Territorial de Lugo, pola que se someten a información pública o proxecto de explotación e o plan de restauración da ampliación da autorización de explotación de recursos da sección C) denominada Mondoñedo número 5767.1, situada no termo municipal de Abadín, na provincia de Lugo».

Debe dicir:

«Resolución do 26 de xaneiro de 2021, da Xefatura Territorial de Lugo, pola que se someten a información pública o proxecto de explotación, o estudo de impacto ambiental e o plan de restauración da ampliación da autorización de explotación de recursos da sección C) denominada Mondoñedo número 5767.1, situada no termo municipal de Abadín, na provincia de Lugo».

O que se fai público, facendo constar que, durante o prazo de trinta días hábiles contados a partir do día seguinte ao da publicación deste anuncio no Diario Oficial de Galicia, o proxecto de explotación, o estudo de impacto ambiental e o plan de restauración estarán ao dispor do público, para a súa consulta, no Servizo de Enerxía e Minas da Xefatura Territorial de Lugo da Vicepresidencia Segunda e Consellería de Economía, Empresa e Innovación, e no portal web da dita consellería (https://ceei.xunta.gal/transparencia/informacion-publica/en-tramitacion/explotacions-mineiras).

As posibles alegacións presentaranse durante o prazo sinalado, dirixidas á xefatura territorial, en calquera das oficinas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.

Lugo, 25 de agosto de 2021

Gustavo José Casasola de Cabo
Xefe territorial de Lugo