Para os efectos previstos no artigo 5 do Decreto 62/2010, do 15 de abril, polo que se regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de gases licuados do petróleo (GLP), a solicitude relacionada no cadro seguinte inicia o correspondente trámite de competencia.

Datos da solicitude
Empresa solicitante	Nedgia Galicia, S.A.
Data da solicitude	7 de xullo de 2021
Contido da solicitude	Autorización administrativa previa e aprobación do proxecto de execución
Tipo de instalación	Rede de distribución de gas natural
Denominación do proxecto	Proxecto de autorización administrativa previa e aprobación do proxecto de execución para a distribución e subministración de gas natural ao polígono industrial Plisan nos termos municipais das Neves e Salvaterra de Miño (Pontevedra)
Núcleo de poboación da rede	Polígono da Plisan, As Neves (Pontevedra)

Ábrese un prazo de 30 días, contados desde o día seguinte ao da publicación desta resolución no Diario Oficial de Galicia, para que:

– Outras empresas distribuidoras de gas natural poidan presentar solicitudes en concorrencia con esta solicitude de Nedgia Galicia, S.A.

– A empresa Nedgia Galicia, S.A. podia completar, se o considera oportuno, a súa solicitude.

O trámite de competencia resolverase a favor da empresa cuxo proxecto obteña a maior puntuación, tras a súa valoración de acordo cos criterios establecidos no artigo 8 do Decreto 62/2010, do 15 de abril.

Santiago de Compostela, 29 de xullo de 2021

Paula Mª Uría Traba
Directora xeral de Planificación Enerxética e Recursos Naturais