BDNS (Identif.): 555440.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións (http://www.pap.minhap.gob.es/bdnstrans/es/index).
Primeiro. Ampliación do crédito orzamentario
Amplíase o importe total do crédito para o financiamento das axudas previstas na Resolución do 29 de marzo de 2021 pola que se aproban as bases reguladoras para a concesión, en réxime de concorrencia non competitiva, das axudas para actuacións de corrección de impactos paisaxísticos, xestionadas polo Instituto de Estudos do Territorio, e se establece a súa convocatoria para o ano 2021, nunha contía de 200.000,00 euros (código de proxecto 2021 00002) na aplicación orzamentaria 08.80.541E.780.00.
Segundo. Prazo de solicitudes
Esta modificación non afecta o prazo establecido na referida orde para a presentación de solicitudes.
Santiago de Compostela, 17 de agosto de 2021
Ángeles Vázquez Mejuto
Presidenta do Instituto de Estudos do Territorio