En cumprimento do previsto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia:

«3. Cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas ou resulte infrutuosa a notificación da comunicación a que se refire o número anterior, esta efectuarase mediante un anuncio no Boletín Oficial del Estado e no Diario Oficial de Galicia, no cal se incluirán os datos catastrais da parcela. Nestes supostos, o prazo para o cumprimento computarase desde a publicación do anuncio».

Á vista de que os titulares dos bens que se relacionan a continuación son descoñecidos ou ben resultou infrutuosa a súa notificación, comunícaselles ás persoas responsables a súa obriga legal de xestión da biomasa e retirada de especies arbóreas prohibidas, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia, nas parcelas que se describen a continuación:

Nº de expediente	Titular catastral	Referencia catastral	Lugar	Parroquia
249/2020	Claudina Sotelino Prego	36030A066003020000MF	Faraufo	Frades
256/2020	Enrique Mayán Ferreira	36030A066000680000MB	Devesa	Frades
288/2020	Dolores Otero Barral	36030A069006230000MX	Eiras	Gargamala
289/2020	Francisco García Barral	36030A069006240000MI	Eiras	Gargamala
290/2020	Dolores Otero Barral	36030A069006250000MJ	Eiras	Gargamala
291/2020	Herdeiros de Hermosinda Bouza Rivas	36030A069006260000ME	Eiras	Gargamala
292/2020	Ambrosio Rivas Vedrelo	36030A069006270000MS	Eiras	Gargamala
351/2020	Luisa Prieto Domínguez	36030A011011260000MP	Coto	Meirol
352/2020	Adolfo Bouza Lorenzo	36030A069006290000MU	Seiras	Gargamala
369/2020	Herdeiros de Visitacion Arjones González	36030A053000050000MJ	Cascalleira	Riofrío
382/2020	José Sánchez Álvarez	36030A074005370000MO	Borracei	Sabaxáns
478/2020	Herdeiros de Rodríguez Pregal	36030A012008530000ME	Eido V	Meirol
494/2020	Francisco Javier Casares Faro	36030A020004330000MT	Lubián	Mondariz
499/2020	María Isabel Alfaya Sousa	36030A065001500000MS	Cabadas	Vilar
533/2020	En investigación	36030A059010080000MQ	Alomba	Sabaxáns
634/2020	Herdeiros de Ascendina González Toucedo	36030A067004640000MG	Soutiño	Gargamala
692/2020	En investigación	36030A060001020000MI	Cabo Bouzas	Toutón
693/2020	María Garrido Montes	36030A060000230000MQ	Arieiro	Toutón
695/2020	José Costal Represas	36030A036005460000MK	Arco	Mondariz
701/2020	En investigación	36030A059010140000MT	Merexa	Sabaxáns
706/2020	José Costal Represas	36030A036003430000MY	Parde Secas	Mondariz
708/2020	José Costal Represas	36030A036003410000MA	Apazán	Mondariz
859/2020	Nelso Rivas Míguez	36030A068001050000MJ	Taberna	Gargamala
866/2020	Herdeiros de Manuel Castro Sordera	36030A071004310000MZ	Carballeda	Gargamala
406/2021	Maximino Amoedo Barros	36030A056007800000MB	Castro	Riofrío
405/2021	Vecinos de Riofrío	36030A056007790000MG	Coto De Lobo	Riofrío
408/2021	María Alfaya Otero	36030A056007820000MG	Magdalena	Riofrío
411/2021	Vecinos de Riofrío	36030A056007910000MM	Coto De Lobo	Riofrío

En virtude do anterior, comunícase que na acta de inspección realizada comprobouse que nas referidas parcelas incúmprese o establecido no artigo 21 da Lei 3/2007. Por tanto, disponse dun prazo máximo de 30 días naturais para o cumprimento voluntario para xestionar a biomasa nas parcelas citadas, que se iniciará o día seguinte ao da publicación desta notificación.

Transcorrido o devandito prazo, e en caso de que persista o incumprimento, o concello procederá sen máis trámites á execución subsidiaria con repercusión dos custos de xestión da biomasa e, se é o caso, comiso das especies arbóreas prohibidas retiradas pola Administración, nas condicións establecidas no artigo 22.4 da citada Lei 3/2007, do 9 de abril, de prevención e defensa contra os incendios forestais de Galicia, sen prexuízo da instrución do procedemento sancionador que corresponda.

As persoas titulares dos terreos ou dos dereitos de aproveitamento terán a obriga legal de facilitar o necesario acceso para a realización dos traballos de xestión de biomasa e retirada das especies arbóreas prohibidas. O suxeito que realice os traballos de execución subsidiaria terá a facultade de acceder sen consentimento da persoa titular, agás nos supostos excepcionais previstos legalmente, cando o acceso afecte, dentro da parcela, espazos físicos susceptibles de merecer a cualificación de domicilio para os efectos do artigo 18.2 da Constitución española.

En caso de persistencia no incumprimento, e transcorrido o prazo outorgado, iniciarase tamén o correspondente procedemento sancionador segundo o previsto no título VII da Lei 3/2007:

a) Administración competente para sancionar (artigo 54 da Lei 3/2007):

1. Será competente para incoar o procedemento sancionador para as infraccións cometidas en terreos agrícolas, forestais e de influencia forestal a persoa titular da xefatura territorial da consellería con competencias en materia forestal por razón do territorio en que se cometeu a infracción ou daquel con maior superficie afectada.

2. Serán competentes para a resolución dos procedementos sancionadores por infraccións tipificadas nesta lei e incoados no ámbito da consellería con competencia en materia forestal:

a) A persoa titular da xefatura territorial da consellería competente en materia forestal, para a imposición de sancións pola comisión de infraccións leves.

b) O órgano competente en materia forestal, para a imposición de sancións pola comisión de infraccións graves.

c) A persoa titular da consellería que teña asignada a competencia en materia forestal, para a imposición de sancións pola comisión de infraccións moi graves.

3. A incoación do procedemento sancionador en aplicación desta lei, pola presenza dunha ordenanza municipal ao respecto (Ordenanza reguladora de limpeza de terreos, xestión de biomasa forestal e das distancias de plantación para a prevención e a defensa contra incendios forestais do concello de Mondariz, do 13 de decembro de 2018) para as infraccións cometidas en terreos urbanos, de núcleo rural e urbanizables delimitados será competencia da respectiva Administración local. A resolución dos expedientes pola comisión de infraccións leves e graves corresponderalle á persoa titular da Alcaldía e a dos expedientes pola comisión de infraccións moi graves ao Pleno do Concello, de conformidade co establecido no artigo 21 ter.2 desta lei:

b) Cualificación da infracción: infracción leve (51.3.a) da Lei 3/2007, do 9 de abril, de prevención e defensa contra os incendios forestais de Galicia), sen prexuízo do establecido no artigo 51.2.g) para as faltas graves.

c) Contía máxima da sanción pecuniaria que se poida impoñer no caso de infracción leve: 1.000 € (artigo 74.a) da Lei 43/2003, do 21 de novembro, de montes, en relación co disposto no artigo 50.1 da Lei 3/2007. No caso de ser considerada infracción grave, a contía máxima da sanción será de 100.000 € (artigo 74.b).

d) Procederase ao comiso cautelar da madeira resultante da corta das especies arbóreas que deban ser retiradas de acordo co establecido no artigo 22.2 da Lei 3/2007.

Recursos: contra a presente resolución, que pon fin á vía administrativa, pódese interpoñer, alternativamente, o recurso de reposición potestativo ante a Alcaldía deste concello, no prazo dun mes, contado a partir do día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpoñer directamente recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses, contados a partir do día seguinte ao da publicación deste anuncio, conforme o artigo 46 da Lei da xurisdición contencioso-administrativa.

No caso de optarse por interpoñer o recurso de reposición potestativo, non se poderá interpoñer recurso contencioso-administrativo ata que aquel sexa resolto expresamente ou se produza a súa desestimación por silencio.

De interpoñerse o recurso potestativo de reposición, este deberá ser resolto e notificado no prazo dun mes, segundo establece o artigo 124.2 da referida Lei 39/2015, e entenderase desestimado o recurso de reposición polo transcurso do mencionado prazo sen resolución expresa notificada, de conformidade co establecido no artigo 126.3 do mesmo texto legal; poderán entón os interesados interpoñer o recurso contencioso-administrativo dentro do prazo de seis meses, contados desde o día seguinte a aquel en que deba entenderse presuntamente desestimado o recurso de reposición interposto, conforme o establecido na Lei da xurisdición contencioso-administrativa.

Mondariz, 27 de xuño de 2021

Xosé Emilio Barros Bello
Alcalde