Advertidos erros na citada orde, publicada no Diario Oficial de Galicia número 141, do luns 26 de xullo de 2021, procédese a efectuar as seguintes correccións:
Na páxina 37928, no punto 3 do artigo 16, onde di:
«Os beneficios establecidos á contratación nesta orde non poderán, en concorrencia con outras axudas públicas para a mesma finalidade, superar o 80 % do custo salarial dunha anualidade correspondente ao contrato que se subvenciona e deberán respectar os límites establecidos no Marco nacional temporal relativo ás medidas de axuda a empresas e autónomos, consistentes en subvencións directas, anticipos reembolsables, vantaxes fiscais, garantías de préstamos e bonificacións de tipos de xuro en préstamos destinadas a apoiar a economía no contexto do actual gromo da COVID-19, aprobado pola Decisión da Comisión Europea SA.56851 (2020/N), do 2 de abril de 2020) e as súas modificacións (Marco temporal)».
debe dicir:
«Os beneficios establecidos á contratación nesta orde non poderán, illadamente ou en concorrencia con outras axudas públicas para a mesma finalidade, superar o 80 % do custo salarial de dúas anualidades correspondente ao contrato que se subvenciona, no caso das contratacións indefinidas, ou o 80 % do custo salarial dunha anualidade correspondente ao contrato que se subvenciona, no caso das contratacións temporais, e deberán respectar os límites establecidos no Marco nacional temporal relativo ás medidas de axuda a empresas e autónomos, consistentes en subvencións directas, anticipos reembolsables, vantaxes fiscais, garantías de préstamos e bonificacións de tipos de xuro en préstamos destinadas a apoiar a economía no contexto do actual gromo da COVID-19, aprobado pola Decisión da Comisión Europea SA.56851 (2020/N), do 2 de abril de 2020) e as súas modificacións (Marco temporal)».
Na páxina 37933, no punto 3 do artigo 22, onde di:
«No suposto de transformacións de contratos temporais en indefinidos, serán subvencionables as transformacións de contratos temporais realizados con persoas mozas, mulleres e persoas con discapacidade ou en risco de exclusión social, sempre que o contrato temporal obxecto de transformación estivese vixente no momento da entrada en vigor desta orde de convocatoria».
debe dicir:
«No suposto de transformacións de contratos temporais en indefinidos, serán subvencionables as transformacións de contratos temporais realizados con persoas mozas, mulleres e persoas con discapacidade ou en risco de exclusión social, sempre que o contrato temporal obxecto de transformación estivese vixente con anterioridade á entrada en vigor desta orde de convocatoria».
