O Pleno municipal, en sesión extraordinaria que tivo lugar o 28 de xuño de 2021, acordou aprobar inicialmente a modificación puntual das normas subsidiarias do planeamento municipal do Concello de Mazaricos (NSP) para a fixación de aliñacións no núcleo rural de Suevos, segundo a documentación técnica redactada polo arquitecto Isidro López Yáñez (col. 2261 COAG).
O que se somete a información pública por un prazo de dous meses en cumprimento dos artigos 60 da Lei 2/2016, do 10 de febreiro, do solo de Galicia e 144 do Regulamento da Lei do solo, co fin de que as persoas que se consideren afectadas por ela poidan examinar o expediente e deducir, de ser o caso, as alegacións ou observacións que xulguen oportunas.
O documento técnico, o resumo executivo e os trámites contidos no expediente poderán consultarse na Oficina Técnica Municipal.
Mazaricos, 1 de xullo de 2021
Juan J. Blanco Riveiro
Alcalde