Ponse en coñecemento de todos os interesados na concentración parcelaria da zona de Guillamil-Sabariz (Rairiz de Veiga-Vilar de Santos-Ourense) declarada de utilidade pública e urxente execución polo Decreto 253/2001, do 20 de setembro (DOG nº 197, do 10 de outubro), o seguinte:

Primeiro: con data 30 de xuño de 2021, a directora xeral de Desenvolvemento Rural aprobou o Acordo de concentración parcelaria da zona de Guillamil-Sabariz (Rairiz de Veiga-Vilar de Santos-Ourense).

Segundo: o Acordo de concentración seralle notificado individualmente a cada un dos afectados e estará exposto ao público nos concellos de Rairiz de Veiga, Vilar de Santos e na zona. Os documentos que se poden examinar no citados concellos refírense aos predios de substitución onde constan as situacións xurídicas derivadas das parcelas de procedencia, as fichas de atribucións, os planos e outros.

Terceiro: de conformidade co disposto polo artigo 36 da Lei 4/2015, do 17 de xuño, de mellora da estrutura territorial agraria de Galicia, no prazo de un mes, contado desde o día seguinte ao da notificación individual, poderá vostede interpoñer recurso de alzada, ante o conselleiro do Medio Rural.

Os recursos poderanse presentar no rexistro da Xefatura Territorial da Xunta de Galicia de Ourense, sito na rúa Florentino L. Cuevillas, nº 4-6, baixo; no rexistro xeral da Consellería do Medio Rural, sito no Edificio Administrativo San Caetano, s/n, de Santiago de Compostela; ou en calquera das dependencias ás que fan referencia o artigo 16.4 da Lei 39/2015, do 1 de outubro, do procedemento administrativo común das administracións públicas.

Os planos do acordo están accesibles en internet, na páxina web da Consellería do Medio Rural, no enderezo:

https://ovmediorural.xunta.gal/gl/consultas-publicas/concentracions-parcelarias-procesos

Ourense, 13 de xullo de 2021

Luis Jorge Álvarez Ferro
Xefe territorial de Ourense