Expediente-e: IN407A 2021/20-1.
Promotora: UFD Distribución Electricidad, S.A.
Denominación da instalación: LMTS peche CC TT urbanos en Guísamo.
Concello: Bergondo.
Feitos:
1. O 2 de febreiro de 2021, a empresa promotora solicitou a autorización administrativa previa e a autorización administrativa de construción do proxecto de execución da dita instalación de distribución eléctrica.
Achegan o proxecto que inclúe memoria, planos e orzamento, ao abeiro do artigo 123 do Real decreto 1955/2000, que abrangue os seguintes documentos:
– Proxecto de execución nomeado: LMTS peche CC TT urbanos en Guísamo.
2. Solicitouse o preceptivo informe ás distintas administracións, organismos ou, de ser o caso, empresas de servizo público ou de servizos de interese xeral afectadas, isto é, Concello de Bergondo, Audasa, Deputación Provincial da Coruña e Demarcación de Estradas do Estado en Galicia. A empresa promotora manifestou a súa conformidade cos condicionados establecidos.
3. Os servizos técnicos da xefatura territorial emitiron informe favorable sobre a dita solicitude.
Consideracións legais e técnicas:
1. O xefe territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia, e o artigo 39.a) do Decreto 230/2020, do 23 de decembro (DOG do 11 de xaneiro de 2021), polo que se establece a estrutura orgánica da Vicepresidencia Segunda e Consellería de Economía, Empresa e Innovación.
2. A lexislación que se aplicará neste expediente é a que a seguir se relaciona:
a) A Lei 24/2013, do 26 de decembro, do sector eléctrico.
b) O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
c) O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.
d) O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
e) O Real decreto 842/2002, do 2 de agosto, polo que se aproba o Regulamento electrotécnico para baixa tensión.
f) A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).
3. As características técnicas da instalación son as que a seguir se describen:
Substitución do actual centro de transformación Guísamo (15C696) (expediente IN407A 2016/76-1) e desmontar un tramo da LMTA SMC729.
Retensar tramo liña eléctrica de media tensión aérea, a 15 kV de 0,177 km, coa orixe en celosía metálica existente, con condutor tipo LA 110 mm² Al, e final no apoio C4500/18 proxectado.
Actuacións en soterrado:
Actuación nº 1: liña eléctrica de media tensión subterránea, a 15 kV de 0,213 km, coa orixe en apoio C4500/18 proxectado, con condutor tipo RHZ1-2OL 12/20 kV 1×240 mm² Al, e final en arqueta en calzada sobre liña existente.
Actuación nº 2: liña eléctrica de media tensión subterránea, a 15 kV de 0,299 km, coa orixe no CT Brea Guísamo (15CBPR) (expediente IN407A 2005/566-1), con condutor tipo RHZ1-2OL 12/20 kV 1×240 mm² Al, e final en CT proxectado.
Actuación nº 3: liña eléctrica de media tensión subterránea, a 15 kV de 0,658 km, coa orixe no CT proxectado, con condutor tipo RHZ1-2OL 12/20 kV 1×240 mm² Al, e final no CT Sampaio (15CBNW) (expediente IN407A 2003/273-1).
Actuación nº 4: liña eléctrica de media tensión subterránea, a 15 kV de 0,012 km, coa orixe no CT Urb. Los Girasoles (15CXQ9) (expediente IN407A 2000/25-1), con condutor tipo RHZ1-2OL 12/20 kV 1×240 mm² Al, e final en apoio HVH 4500/ existente.
Centro de transformación prefabricado, cunha potencia de 630 kVA, e unha relación de transformación de 15.000/400 V.
4. No expediente consta un informe favorable dos servizos técnicos desta xefatura territorial.
De acordo con todo o sinalado,
RESOLVO:
1. Conceder a autorización administrativa previa e a autorización administrativa de construción á dita instalación de distribución eléctrica.
2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.
3. Para a posta en funcionamento da instalación autorizada, deberá achegar ante esta xefatura territorial unha solicitude coa cal xuntará a seguinte documentación:
I. As declaracións de conformidade relativas ao material ou equipamento, e as certificacións ou homologacións, se procede.
II. Un certificado do/da director/a da montaxe en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas oportunas na montaxe da instalación e posta a punto.
4. Esta aprobación outórgase sen prexuízo doutras que sexan de aplicación segundo a lexislación vixente, en especial as relativas á ordenación do territorio e ao ambiente.
Contra esta resolución, que non é definitiva en vía administrativa, poderase interpor recurso de alzada ante o conselleiro de Economía, Empresa e Innovación, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), sen prexuízo de que as persoas interesadas poidan interpor calquera outro recurso que consideren pertinente.
Mediante este documento notifícaselle á empresa promotora esta resolución, segundo o exixido no artigo 40.1 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
A Coruña, 18 de xuño de 2021
Isidoro Martínez Arca
Xefe territorial da Coruña
