O concello de Taboadela acordou a incoación do expediente sancionador número SCOVID/TABOADELA/0006 por vulneración da normativa sanitaria.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a notificación do inicio do procedemento sancionador en materia sanitaria ás persoas interesadas que figuran no anexo efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia.

Dado que neste acto non se publica na súa integridade a notificación referida, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro do acto que se notifica atópase á disposición da persoa interesada xunto co resto do expediente no prazo máximo de dez (10) días hábiles contados desde o día seguinte a esta publicación no Boletín Oficial del Estado nas oficinas municipais do Concello de Taboadela situadas na Praza do Concello, 1, Taboadela, Lugo, das 9.00 ás 14.00 horas, de luns a venres. Advírtese á persoa interesada que, de non comparecer no referido prazo, a notificación entenderase producida, a todos os efectos, o día seguinte ao vencemento do prazo.

A persoa interesada dispón do prazo indicado no parágrafo anterior para achegar ante a persoa instrutora do expediente cantas alegacións, documentos ou informacións coide convenientes e, de ser o caso, propoñer proba concretando os medios de que pretenda valerse, de conformidade co artigo 64.2.f) da Lei 39/2015, do 1 de outubro, do procedemento administrativo común das administracións públicas. De non efectuar alegacións no referido prazo, o acordo de inicio poderá ser considerado proposta de resolución.

De conformidade co disposto nos artigos 85 da Lei 39/2015, do 1 de outubro, do procedemento administrativo común das administracións públicas, e 44.bis.5 da Lei 8/2008, do 10 de xullo, de saúde de Galicia, infórmase a persoa interesada de que a sanción que se indica no acordo de incoación poderá estar suxeita ás seguintes reducións: o 25 % no caso de recoñecemento da súa responsabilidade ou de pagamento voluntario da sanción antes da resolución do procedemento ou o 50 % no caso de recoñecemento da súa responsabilidade e de pagamento voluntario da sanción antes da resolución do procedemento. A efectividade de calquera destas reducións estará condicionada á desistencia ou renuncia de calquera acción ou recurso na vía administrativa contra a sanción.

O presente anuncio realízase ao amparo do establecido no Convenio asinado o 27 de novembro de 2020 entre a Vicepresidencia Primeira e Consellería de Presidencia, Xustiza e Turismo e a Federación Galega de Municipios e Provincias (Fegamp) para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra o COVID-19

Santiago de Compostela, 10 de xuño de 2021

Pablo Crego Gil
Funcionario da unidade tramitadora

ANEXO

Número de expediente	DNI/CIF persoa interesada	Infracción imputada	Precepto cualificador	Precepto sancionador	Sanción proposta
SCOVID/TABOADELA/0006	44515323L	Non utilizar a máscara obrigatoria nos termos establecidos na normativa vixente e non atoparse, de forma xustificada, en ningunha das excepcións á devandita obriga	Artigo 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Artigo 31.2 do Real decreto lei 21/2020	100 euros