1. Entidade adxudicadora:
a) Organismo: entidade pública empresarial Portos de Galicia.
b) Dependencia que tramita o expediente: Área de Explotación e Planificación.
c) Número de expediente: PRG-2021-0188.
2. Obxecto do contrato.
a) Descrición do proxecto: o obxecto do procedemento aberto é a selección de oferta para o outorgamento dunha autorización de dominio público de explotación de nave de reparación de redes na antiga lonxa do porto de Ribeira.
b) Lugar da autorización: porto do Ribeira. Concello de Ribeira (A Coruña).
c) Prazo da autorización: dous (2) anos prorrogables expresamente ata a un máximo de catro (4) anos.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: oferta máis vantaxosa tendo en conta os criterios que figuran na cláusula 9 criterios de valoración das ofertas do prego de bases do concurso.
4. Taxa de explotación: a especificada no prego de bases do procedemento, punto 10.
5. Obtención de documentación e información.
a) Entidade: entidade pública empresaria Portos de Galicia.
b) Domicilio: praza de Europa, 5 A -6ª Polígono das Fontiñas (Área Central).
c) Localidade e código postal: Santiago de Compostela 15707.
d) Teléfono: 881 99 52 70.
e) Fax: 981 54 53 24.
f) Data límite de obtención de documentos e información: coincide coa data límite de presentación de ofertas.
g) Perfil de contratante: os pregos administrativos desta convocatoria poderanse obter na seguinte dirección da internet:
https://www.contratosdegalicia.gal/consultaOrganismo.jsp?lang=gl&ID=800&N=34&OR=34&SORT=2&ORDER=2
6. Requisitos específicos do solicitante: os especificados no prego de bases.
7. Presentación de ofertas e das solicitudes de participación.
a) Data límite de presentación: o prazo de presentación de proposicións será de vinte e cinco (25) días naturais contados a partir do día seguinte ao da publicación deste anuncio no Diario Oficial de Galicia, e rematará ás catorce horas do último día. En caso de que o mencionado día coincida en sábado ou festivo, o prazo de admisión das proposicións rematará ás catorce (14.00) horas do día hábil seguinte.
b) Documentación que hai que presentar: as proposicións presentaranse en dous (2) arquivos electrónicos, segundo se especifica no prego de bases do procedemento.
c) Lugar de presentación: electrónico a través do Sistema de licitación electrónica da Xunta de Galicia (Silex).
d) Prazo durante o que o licitador está obrigado a manter a súa oferta: dous (2) meses desde a apertura das proposicións.
8) Apertura das ofertas: electrónica a través do Sistema de licitación electrónica da Xunta de Galicia (Silex).
a) Entidade: entidade pública empresarial Portos de Galicia.
b) Domicilio: praza de Europa, 5 A -6º. Polígono das Fontiñas (Área Central).
c) Localidade e código postal: Santiago de Compostela 15707.
d) Data: a apertura pública das ofertas (sobre 2) levarase a cabo nun prazo non superior a sete días contados desde a apertura da documentación administrativa do sobre 1.
9. Outras informacións: a mesa de selección comprobará en acto previo a documentación do sobre «1» e publicará no perfil de contratante o resultado da apertura, para que, logo da comunicación aos interesados, se emenden, se for o caso e dentro do prazo que se indique, os defectos materiais observados na dita documentación.
10. Gastos dos anuncios: os gastos de publicidade que, de ser o caso, se xeren correrán a cargo do adxudicatario.
Santiago de Compostela, 25 de xuño de 2021
Susana Lenguas Gil
Presidenta de Portos de Galicia